“Сапраўдная задача
Арганізацыі Аб'яднаных Нацый заключаецца ў тым, каб пабудаваць лепшы свет, нікога
пры гэтым не пакінуць па-за ўвагай, не забываць аб абароне бедных і найбольш слабых,
у імя глабальнага супакою і сацыяльнай справядлівасці”, - адзначаецца ў пасланні Генеральнага
сакратара ААН Пан Гі Муна з нагоды 66-годдзя гэтай арганізацыі, якое адзначаецца сёння.
“Той
факт, што 31 кастрычніка 2011 г. насельніцтва зямлі дасягне 7 млрд. чалавек, ставіць
перад намі мноства задач: барацьбу з беднасцю і хваробамі, забеспячэнне магчымасцяў
для атрымання адукацыі і стабільных сродкаў да існавання, змягчэнне наступстваў змены
клімата”- падкрэслівае старшыня ААН.
Пан Гі Мун звяртае ўвагу на тое, што “кампанія
“Сем мільярдаў дзеянняў” Фонда ААН у галіне народанасельніцтва, паклікана натхніць
на ажыццяўленне змен да лепшага, прыцягваючы ўвагу да дзеянняў у гэтай сферы як асобных
людзей, так і арганізацый ва ўсім свеце”.
Генеральны сакратар ААН адзначыў,
што чалавецтва дасягнула значнага прагрэсу з моманту заснавання гэтай арганізацыі.
“Мы жывём даўжэй. Нашы дзеці нашы паміраюць радзей. Усё больш і больш людзей у свеце
жыве ва ўмовах дэмакратычнага верхавенства закона”, - падкрэслівае Пан Гі Мун і звяртае
увагу на тое, што, аднак, пагроза гэтаму працэсу крыецца ў эканамічным крызісе, беспрацоўі,
няроўнасці і кліматычных зменах. “У гэтыя бурныя часы ёсць толькі адно выйсце: адзінства
мэты. Глабальныя праблемы патрабуюць глабальных рашэнняў” – сказаў генсек ААН.