Святы Айцец: музыка Брукнера заклікае адкрыць далягляды і думаць аб вечным жыцці
Вечарам 22 кастрычніка
Бэнэдыкт XVI прысутнічаў на канцэрце аркестра Баварскай Дзяржаўнай оперы, які прайшоў
у Залі Паўла VI у Ватыкане. “Цудоўным творам, у якім злучаецца вера вялікага кампазітара
з заклікам адкрыць далягляды і думаць аб вечным жыцці”, назваў Бэнэдыкт XVI “Сімфонію
9” Антона Брукнера, якую выканалі музыканты.
Папа адзначыў, што слухаючы музыку
Брукнера “адчуваеш сябе ў вялікім катэдральным касцёле, калоны якога ўзвышаюцца і
ствараюць моцныя эмоцыі”. Святы Айцец назваў фундаментам твора простую, але моцную
веру, якую аўстрыйскі кампазітар захоўваў на працягу ўсяго жыцця.
“Ён хацеў
прысвяціць свой апошні і найбольш сталы плён мастацтва Таму у каго заўсёды верыў,
адзінаму і сапраўднаму суразмоўцу, да якога звяртаўся, падыйшоўшы да апошняга моманту
свайго жыцця”, - сказаў Папа.
Пантыфік адзначыў, што Брукнер прасіў Бога дазволіць
увайсці ў Яго таямніцу, каб мець магчымасць праслаўляць Яго на Небе, як ён рабіў гэта
на зямлі сваёй музыкай і верай. Святы Айцец падкрэсліў, што гэта таксама заклік для
нас – адкрыць далягляды і думаць аб вечным жыцці, не бегчы ад сучаснасці, нават калі
яна акрэслена цяжкасцямі і праблемамі, але жыць больш інтэнсіўна, несучы ў рэальнасць
у якой жывём, трохі света, надзеі і любові”.