Мексіка: кардынал Артэга звяртае ўвагу на праблему карупцыі
“Каб перашкодзіць
распаўсюджванню карупцыі ў Мексіцы ці цалкам знішчыць яе неабходна, акрамя жадання
дзяржаўных інстытутаў, шчырае супрацоўніцтва, на кожным сацыяльным узроўні, паміж
усімі грамадзянамі”, - адзначыў кардынал Франсіско Рабле Артэга, арцыбіскуп Мантэрэя
у сваім звароце прысвечаным этыцы ў публічнай сферы і неабходнасці адкрыцця важнасці
каштоўнасцяў, якія павінны падзяляцца ўсімі ўстановамі гэтай краіны.
Іеарарх
звяртае ўвагу, што ўжо на працягу доўгіх часоў сацыяльны, палітычны і культурны кантэкст
Мексікі характарызуецца ідэалагічным супрацьстаяннем, гвалтам (перш за ўсё звязаным
з наркабізнесам), новымі і старымі формамі беднасці. Акрамя таго, кардынал звяртае
ўвагу на шматлікія карупцыйныя скандалы ўзнікшыя на розных узроўнях.
Арцыбіскуп
Мантэрэя падкрэсліў важнасць прынятай анты-карупцыйнай праграмы, якая прадугледжвае
шырокі ўдзел грамадскай супольнасці. Але галоўнае, на думку іерарха, каб гэта праграма
пераўтварылася “з слоў у справы”. “Дзяржава павінна заняць ясную пазіцыю – караць
згодна з законам, прымаць неабходныя санкцыі, каб гэта барацьба станавілася эфектыўнай.
У сваю чаргу грамадская супольнасць павінна удзельнічаць у праекце і выяўляць карумпаваных
чыноўнікаў”, - заклікае арцыбіскуп.
Іерарх падкрэслівае, што каталіцкія біскупы
Мексікі, заўсёды спрыялі прымірэнню, супакою і справядлівасці, і таму сёння працягваюць
патрабаваць умацавання барацьбы з беднасцю, якая вельмі важна для знішчэння карупцыі.
“Каб пабудаваць справядлівае і братэрскае грамадства, могуць быць карыснымі указанні
сацыяльнага навучання і маральныя прынцыпы, якім вучыць Касцёл”, - адзначыў кардынал
Артэга.
Мексіканскія іерархі заклікаюць да супрацоўніцтва святароў, законнікаў
і законніц, а таксама ўсіх свецкіх вернікаў, каб “у кожным аднавіўся дух адказнасці
за тэрміновую патрэбыу паляпшэння жыцця ўсіх, бо спрыянне інтэгральнаму развіццю
чалавека, з’яўляецца часткай касцёльнай місіі”, - адзначыў іерарх.