Ministri i Kulturës i Shqipërisë Aldo Bumçi: na ndihmoni ta bëjmë të njohur vendin
Javës që kaloi, Ambasada e Republikës së Shqipërisë në Selinë e Shenjtë organizoi
një kremtim për 20-vjetorin e marrëdhënieve diplomatike ndërmjet Vatikanit e Shqipërisë.
Të enjten e kaluar, në abacinë e Shën Anselmit në Romë, dekani i Kolegjit Kardinalor,
Angjelo Sodano, kryesoi Meshën e falenderimit, në bashkëkremtim me kryetarin e Konferencës
Ipeshkvnore të Shqipërisë, imzot Rrok Mirditën, ipeshkvin e Sapës, imzot Lucian Avgostinin,
Nuncin e parë Apostolik në Shqipëri, kardinalin Ivan Dias e meshtarë të tjerë. Qeveria
e Tiranës përfaqësohej nga Ministri i Turizmit, Kulturës dhe Sporteve, Aldo Bumçi,
i cili të premten, u takua edhe me kreun e dikasterit vatikanas për Kulturën, kardinalin
Xhanfranko Ravazi dhe me përfaqësues të Veprës Romake të Shtegtimeve. Kemi transmetuar
një intervistë të gjatë me ministrin Aldo Bumçi, të cilën mund ta gjeni në faqen tonë
të internetit. Sot po ju propozojmë vetëm thirrjen e tij të fundit për Vatikanin…..