20 vjetori marrëdhënieve Vatikan-Shqipëri, kardinali Sodano kujtoi persekutimin e
komunizmit e përtëritjen shpirtërore të kombit
Ambasada e Shqipërisë pranë Selisë së Shenjtë shënoi 20 vjetorin e marrëdhënieve diplomatike
mes Vatikanit e Shqipërisë. Tingujt e këngëve të murgjërve benediktinë, i lartoheshin
Zotit në lavde falënderimi në abacinë e Shën Anselmit në Romë, ku Ambasadori Rrok
Logu organizoi kremtimin e Jubileut, një kornize madhështore që priti mysafirët e
lartë e shumë shqiptarë, që morën pjesë në kremtimin e djeshëm në Aventin.
Qe
dekani i Kolegjit Kardinalor, Angjelo Sodano, ai që kryesoi Meshën e falenderimit,
në bashkëkremtim me kryetarin e Konferencës Ipeshkvnore të Shqipërisë, imzot Rrok
Mirditën, ipeshkvin e Sapës, imzot Lucian Avgostinin, Nuncin e parë Apostolik në Shqipëri,
kardinalin Ivan Dias e meshtarë të tjerë.
Qeveria e Tiranës përfaqësohej nga
Ministri i Turizmit, Kulturës, Rinisë dhe Sporteve, Aldo Bumçi, i cili sot, u takua
edhe me kreun e dikasterit vatikanas për Kulturën, kardinalin Xhanfranko Ravazi dhe
me përfaqësues të Veprës Romake të Shtegtimeve.
Gjatë homelisë së Meshës së
djeshme, kardinali Sodano kujtoi vuajtjet e persekutimin e katolikëve e të krejt popullit
shqiptar nën regjimin komunist dhe theksoi rëndësinë e përtëritjes shpirtërore të
kombit, në vitet e demokracisë.
Në fund të meshës, foli ambasadori i Republikës
së Shqipërisë në Selinë e Shenjtë, z. Rrok Logu, të cilit i takon merita e organizimit,
dhe ministri Aldo Bumçi, i cili në mikrofonin e don David Gjugjës, përmbledh shkurtimisht
fjalimin e tij…........