Беларусь: Апостальскі нунцый уручыў ліст старшыні Канферэнцыі Біскупаў
20 кастрычніка падчас
святой Імшы ў мінскай архікатэдры Апостальскі Нунцый у Беларусі арцыбіскуп Клаўдыё
Гуджэроцці ўручыў старшыні Канферэнцыі Каталіцкіх Біскупаў у Беларусі біскупу Аляксандру
Кашкевічу ліст Дзяржаўнага сакратара Яго Святасці Папы Бэнэдыкта XVI кардынала Тарчызіо
Бэртонэ, у якім адзначаецца, што іерарх італьянскага паходжання прызначаны прадстаўніком
Святога Айца ў Касцёле ў Беларусі.
Арцыбіскуп Гуджэроцці прыбыў у Беларусь
10 кастрычніка. За час свайго кароткага прабывання ў краіне ён наведаў Рэспубліканскі
навукова-практычны цэнтр дзіцячай анкалогіі і гематалогіі і Дзіцячы сацыяльна-рэабілітацыйны
цэнтр св. Лук, дзе сустрэўся з хворымі дзецьмі, медыцынскім персаналам і супрацоўнікамі
каталіцкіх дабрачынных арганізацый. 16 кастрычніка новапрызначаны Апостальскі нунцый
наведаў Нацыянальны санктуарый у Будславе.
Дыпламатычная місія ацыбіскупа
Гуджэроцці пачнецца ад моманту ўручэння даверчых грамат Прэзідэнту Беларусі.