Расія: кнігі з Папскіх універсітэтаў для праваслаўнай акадэміі
Жонка Прэзідэнта Расіі
Святлана Мядзедзева перадала Маскоўскай духоўнай акадэміі каталог на 26 739 кніг перададзеных
у дар рознымі бібліятэкамі Паўночнай Італіі і Папскімі універсітэтамі, перадае агенства
“Інтэрфакс”
“Гэтыя кнігі па гісторыі рэлігіі, тэалогіі, філасофіі былі сабраны
прадстаўнікамі Маскоўскай духоўнай акадэміі у розных кутках Італіі”, - сказала яна
падчас цырымоніі перадачы сертыфіката рэктару праваслаўнай акадэміі арцыбіскупу Яўгенію.
Фонд
сацыяльна-культурных ініцыятыў, які ўзначальвае жонка расійскага прэзідэнта прымаў
актыўны ўдзел у пошуку гэтых кніг, а таксама ў рэканструкцыі бібліятэкі Маскоўскай
духоўнай акадэміі. “Яе аднаўленне, як аднаго з самых каштоўных духоўна-маральных і
культурных цэтраў Расіі мае вялікае значэнне”, - упэўнена Святлана Мядзведзева.
Яна
нагадала, што ў сакавіку 2011 г., адбылося адкрыццё Рускага культурнага цэнтра ў Венецыянскім
універсітэце Ка Фаскары. “Тады бібліятэкар Марцыянскай бібліятэкі ад імя кіраўніка
Папскай рады спрыяння хрысціянскаму адзінству кардынала Курта Коха перадаў нам сертыфікаты
на кнігі”, - адзначыла Святлана Мядзведзева. Зараз яны знаходзяцца ў Тарквініі, у
старажытным касцёле св. Антонія.
Пасля заканчэня працеса каталагізацыі кніг
іх прывязуць у Расію, і яны будыць захоўвацца ў бібліятэцы Маскоўскай духоўнай акадэміі.
“Мне вельмі прыемна, што сярод абраных кніг ёсць не толькі рэлігійныя, але і свецкія.
У выхаванні нашых дзяцей, важна абапірацца на традыцыі і вопыт папярэдніх пакаленняў,
на духоўныя асновы праваслаўя, і тут вялікая роля належыць Рускай Праваслаўнай Царкве”,
- адзначыла першая ледзі.
Каталог перададзены Маскоўскай духоўнай акадэміі,
у прыватнасці, складаецца з кніг, якія знаходзіліся ў Сакрэтных архівах Ватыкана,
Папскім Усходнім інстытуце, Папскім Латэранскім універсітэце, Папскім Грыгарыянскім
універсітэце і Міланскай семінарыі.