Кардынал Тарксан: пошук праўды неабходны для развіцця народаў
18 кастрычніка ў Залі
Друку Апостальскай Сталіцы адбылася прэс-канферэнцыя на тэму Сустрэчы разважанняў
і малітвы за мір у свеце, якая пройдзе 27 кастрычніка ў Асізі з удзелам прадстаўнікоў
розных рэлігій.
Падчас прэс-канферэнцыі выступіў старшыня Папскай рады “Iustitia
et Pax” кардынал Пітэр Тарксан, які расказаў, што мэта сустрэчы ў горадзе св. Францішка
заключаецца ў тым, каб паказаць свету, што людзі розных веравызнанняў і добрай волі
могуць зрабіць свой асаблівы ўклад у пабудову міра ў свеце.
Іерарх адзначыў
таксама, што пасля 25 гадоў супрацоўніцтва паміж рэлігіямі і сумеснага сведчання,
яны павінны змагацца з новымі выклікамі. “Гэтыя выклікі звязаны з фінансавым і эканамічным
крызісам, крызісам дэмакратычных і грамадскіх устаноў, праблем навакольнага асяродзя
і голада ў свеце, эміграцыі, нэакаланіялізма, беднасці, міжнароднага тэрарызма і рэлігійнай
дыскрымінацый”,- сказаў кардынал Тарксан. Іерарх яшчэ раз нагадаў, што трэба рашуча
сказаць “не” ўсім формам выкарыстання рэлігіі ў палітычных мэтах. “Канфлікты паміж
рэлігіямі з’яляюцца спакусай і пазбаўляюць іх сваёй ідэнтычнасць, зневажаюць Бога
і аддаляюць вернікаў ад веры”,- сказаў старшыня Папскай рады “Iustitia et Pax”.
“Мір
патрабуе праўды пра людзей, дзяржавы, рэлігіі, культуры, у якіх часта знаходзяцца
элементы, што не адпавядаюць праўдзе аб чалавеку, а гэта становіцца перашкодай для
інтэгральнага развіцця народаў і міра у свеце”,- сказаў кардынал Тарсан. На думку
іерарха “пошук праўды з’яўляецца найлепшым спосабам, каб убачыць і перамагчы розныя
формы непрыязні і сінкрэтызм, які перашкаджае пошуку ідэнтычнасці”. “Пошук праўды
азначае аднаўленне добразычлівага погляда на іншых, больш глыбокага ўзаемнага знаёмства,
развіцця дыялога і супрацоўніцтва на карысць супольнага дабра. Пошук праўды з’яўляецца
ўмовай для знішчэння фанатызма і фундаменталізма”, - сказаў кардынал Тарксан.