16 кастрычніка Кіраўнік
Залі Друку Апостальскай Сталіцы кс.Фэдэрыко Ламбардзі падтрымаў пратэст вікарыя Папы
для рымскай дыяцэзіі, кардынала Агосціна Валіні супраць пашкоджання аднаго з касцёлаў
у Вечным Горадзе падчас суботніх дэманстрацый. Хуліганы ўвайшлі ў Касцёл св. Марцэліна
і Св.Пятра і пашкодзілі крыж і статую Божай Маці.
Кардынал Валіні заявіў, што
гэтыя акты вандалізма парушаюць рэлігійныя пачуцці рымлянаў. “Гэта сур’ёзная знявага
веруючых людзей. Гэта ўжо чарговы акт неабгрунтаванага гвалту”, - сказаў вікарый Папы
для рымскай дыяцэзіі.
Мэр Вечнага Горада Джанні Алемано выказаў сваю салідарнасць
з кардыналам Валінім. “Ніколі раней не здарылася, каб агрэсіўныя дэманстранты дасягнулі
так высокага ўзроўня ў блюзнерстве і ў знявазе касцельных каштоўнасцяў”,- сказаў мэр
Вечнага Горада.