Святы Айцец звярнуўся да ўдзельнікаў Сацыяльнага тыдня малдаўскіх католікаў
Бэнэдыкт XVI скіраваў
спецыяльнае пасланне да ўдзельнікаў Каталіцкага сацыяльнага тыдня, які праходзіць
у сталіцы Малдовы Кішынёве 10-14 кастрычніка. У сваім звароце, за подпісам кардынала
Дзяржсакратара Тарчызіо Бэртонэ, Папа заклікаў вернікаў спрыяць пабудове супольнага
дабра краіны, якое з’яўляецца фундаментам грамадскага і палітычнага жыцця, а таксама
неабходным крытэрыем развіцця.
Святы Айцец выказаў спадзяванне, што Сацыяльны
тыдзень паспрыяе заахвочванню малдаўскіх католікаў у актыўную дзейнасці на карысць
справядлівасці, салідарнасці і правоў чалавека. “Спадзяюся таксама, што час разважанняў
і дыскусій абудзіць ва ўсёй Малдове надзею і любоў”, - адзначыў Папа.