Արամ Ա. Կաթողիկոսի Ցաւակցութիւնը ու Զորակցութիւնը՝Ղպտիներու Շէնուտա Գ.Պատրիարքին։
Արամ Ա. կաթողիկոս 11 հոկտեմբեր 2011 թուակիր անձնական գիր մը ուղղեց Ղպտի եկեղեցւոյ
հոգեւոր Պետ Շէնուտա Գ. Պատրիարքին` յայտնելու, թէ ինք այժմ հովուապետական այցելութեամբ
կը գտնուի Միացեալ Նահանգներ, եւ թէ մօտէն կը հետեւի Եգիպտոսի մէջ տեղի ունեցող բախումներուն`
ղպտի համայնքի զաւակներուն եւ եգիպտական բանակին պատկանող ջոկատներու միջեւ: Այս առիթով
վեհափառը իր ցաւն ու մտահոգութիւնը կը յայտնէ, ինչպէս նաեւ իր զօրակցութիւնը` Շէնոտա
Գ. պատրիարքին եւ ղպտի եկեղեցւոյ:
Այս առիթով Վեհափառը նաեւ կը վերանորոգէ իր
կոչը` շեշտելով քրիստոնեայ-իսլամ երկխօսութեան ու գոյակցութեան հրամայական անհրաժեշտութիւնը:
Վեհափառը նաեւ կը յիշեցնէ, թէ Եգիպտոսի Ղղպտիները իբրեւ լիիրաւ քաղաքացիներ պէտք է համահաւասար
իրաւունքներ ունենան իրենց իսլամ եղբայրներուն ու քոյրերուն կողքին: Միւս կողմէ սերտ
գործակցութիւն գոյութիւն ունի Մեծի Տանն Կիլիկիոյ Կաթողիկոսութեան եւ Ղպտի Եկեղեցւոյ
միջեւ, ինչպէս նաեւ անձնական սերտ բարեկամութիւն` Արամ Ա. Կաթողիկոսին ու Շէնուտա Գ.
Պատրիարքին միջեւ: Արամ Ա.ի անունով Հիւսիսային Ամերիկայի Արեւմտեան թեմի առաջնորդ Մուշեղ
արք. Մարտիրոսեան կապ պահելով Քալիֆորնիոյ Ղպտի եկեղեցւոյ առաջնորդ Սրապիոն Եպիսկոպոսին
հետ յայտնածէ իր ցաւակցութիւնը ։ Իսկ Արաբական երկիրներու Եպիսկոպոսները Միջազգային
Հասարակութենէն խնդրեցին որ Եգիպտոսի ու Միջին Արեւելքի այլ երկիրներու քրիստոնեաները
թող առանձին չձգուին։