Арцыбіскуп Багдада: хрысціяне не падтрымліваюць дыктатарскія рэжымы
“Хрысціяне Блізкага
Усхода не падтрымліваюць дыктатарскія рэжымы, і занепакоены тым, што сучасныя ідэалогіі
спрыяюць фарміраванню рэлійных і фундаменталіскіх рэжымаў”, - адзначыў у інтэрв’ю
агенству “SIR” лацінскі арцыбіскуп Багдада Жан Слейман, на заканчэнне сімпозіўма Лацінскіх
Біскупаў арабскіх краін, які закончыўся 13 кастрычніка ў Рыме.
“На Захадзе,
зараз шмат гаворыцца аб “арабскай вясне”, якая не абавязкова з’яўляецца вясной. Мы
патрабуем павагі да правоў чалавека, яго годнасці, маем жаданне, такое як і ўсе іншыя,
жыць свабоднымі ад страха перад іншымі дыктатурамі, больш небяспечнымі, а менавіта
рэлігійнымі”, - сказаў іерарх. Арцыбіскуп Слейман адзначыў, што абвінавачванні хрысціян
у тым, што яны падтрымліваюць дыктатарскія рэжымы не маюць пад сабой падставы. “Гэта
не праўда – адзін з галоўных праціўнікаў Асада ў Сірыі менавіта хрысціянін, і хрысціяне
мірна патрабуюць свецкай дзяржавы”, - сказаў іерарх.
Іншай праблемай, якая
знаходзіцца ў цэнтры ўвагі Лацінскіх Біскупаў арабскіх краін, з’яўляецца эміграцыя.
На форуме ў Рыме адзначалася, што на сённяшні дзень Егіпет пакінулі ўжо каля 100 тыс.
хрысціян-коптаў. На думку арцыбіскупа Слеймана, сітуацыя на Блізкіх Усходзе, пачне
станавіцца спакойнай, калі будзе ўрэгуліраваны араба-ізраэльскі канфлікт.