З 10 кастрычніка у
рамках візіта “Ad limina Apostolorum” у Рыме знаходзіцца дэлегацыя аўстралійскіх біскупаў.
У інтэрв’ю нашаму радыё старшыня епістапата гэтай краіны арцыбіскуп Філіп Уілсан,
расказаў аб жыцці каталіцкай супольнасці ў Аўстраліі. Сярод галоўных багаццяў Касцёла
ў гэтай краіне арцыбіскуп назваў яе інтэрнацыянальны склад. Іерарх адзначыў, што колькасць
католікаў у Аўстраліі заўсёды павялічваецца дзякуючы эмігрантам, якіх на працягу апошніх
50 год прыбыло вельмі шмат, галоўным чынам з Еўропы і Азіі. Арцыбіскуп Уілсан расказаў,
што адной з частак пастрыскай актыўнасці Касцёла ў гэтай краіне з’яўляецца дзейнасць
сярод абарыгенаў.
“Абарыгены – гэта вельмі важная група
і Касцёл уважлівы да яе. Яны прадстаўляюць сабой супольнасці, якія сёння
сустракаюцца з вельмі цяжкімі праблемамі, таму ўсе дыяцэзіі маюць спецыяльныя пастрыскія
ініцыятывы, мэта якіх – дапамагаць ім і ўпоўні ўключыць у жыццё Касцёла.
Аўстралійскі епіскапат мае спецыяльную Камісію, адказную за дыялог з
абарыгенамі, якая клапоціцца аб іх сітуацыі, супрацоўнічае і дапамагае ім жыць годным
жыццём у веры. Іх праблемы звязаны, часцей за ўсё, з вельмі абмежаванымі магчымасцямі,
з недахопам медыцынскай дапамогі, нізкім узроўнем адукацыі, таму Касцёл перш за ўсё
шукае шляхоў для вырашэння гэтых праблем, а таксама нагадвае ўсяму аўстралійскаму
грамадству і уладам, аб вялікай адказнасці, якую мы маем за гэтых людзей”.
Арцыбіскуп
Уілсан расказаў, што Касцёл у Аўстраліі вельмі шмат увагі надае працы з моладзю, імпульсам
для якой сталі Сусветныя дні моладзі, што праходзілі ў Сіднэі ў 2008 г. Таксама католікі
вельмі заахвочаны ў экуменічныя працэсы і міжрэлігійны дыялог, дапамогу эмігрантам
і ў дзейнасць перад абліччам такіх сучасных выклікаў, як паніжэнне узроўня маральнасці,
рэлятывізма у адносінах да такіх каштоўнасцяў як чалавечае жыццё, сям’я, годнасць
працы.