“Сведчыць аб вернасці
Хрысту і самым меншым братам, сярод якіх таксама і бедныя: гэта мэта першага Сацыяльнага
тыдня малдаўскіх католікаў”, - адзначыў у прывітальным слове да яго удзельнікаў біскуп
Кішынёўскі Антон Коса, падчас адкрыцця форума, якое прашло раніцай 11 кастрычніка
ў малдаўскай сталіцы.
Іерарх працытаваў словы Бэнэдыкта XVI скіраваныя да пасла
Малдавіі, аб тым, што “Касцёл не патрабуе асаблівых прывілегій, але жадае быць верным
сваёй мэце і служыць кожнай чалавечай асобе, не робячы розніц, згодна з місіяй якая
была яму даверана Хрыстом”. Гэты выраз з’яўляецца “кароткім зместам нашай працы, якая
пройдзе на працягу гэтых некалькіх дзён”, - дадаў біскуп Коса. Іерарх адзначыў, што
“Каталіцкі Касцёл не мае гатовага вырашэння ўсіх праблем, але адчувае абавязак быць
заўсёды побач з гэтым народам каб служыць яму са стараннасцю, што заўсёды вызначала
яго выбары”. Таму, на думку біскупа Косы, мэта Сацыяльнага тыдня, заключаецца ў тым,
каб “распрацаваць сацыяльна-пастырскую праграму, якая будзе адштурхоўвацца ад праблем
найслабейшых, уключаць асаблівыя патрэбы розных тэрыторый і скіруе свецкіх вернікаў
да большай і эфектыўнай дзейнасці”.
Форум, які пачаўся сёння ў Кішынёве працягнецца
да 14 кастрычніка. У ім прымаюць удзел акрамя каталіцкіх іерархаў з розных краін Еўропы,
прадстаўнікі праваслаўных і пратэстанскіх Цэркваў, а таксама дзяржаўныя і грамадскія
дзеячы.