Бірмінгем: св. Імша ў гадавіну беатыфікацыі бл. Генры Ньюмана
“Навучанне бл. Генры
Ньюмана можа дапамагчы католікам лепш разумець ідэалагічны крызіс нашага часу і даць
ім упэўненасць у тым, што прыйдзе час калі ён будзе пераможаны”, - сказаў біскуп Шрэўбургскі
Марк Дэвіс, падчас св. Імшы у гадавіну беатыфікацыі Генры Ньюмана, якая адзначалася
9 кастрычніка ў Вялікабрытаніі.
У літургіі, якая прайшла ў бірмінгемскім Араторыі,
заснаваным Генры Ньюманам, прымалі ўдзел шматлікія пілігрымы, а таксама кс. Інгацый
Харысан, сучасны кіраўнік Араторыя і пастулятар беатыфікацыйнага працэса англійскайга
благаслаўлёнага.
Цытуючы словы Бэнэдыкта XVI, прамоўлены падчас развітальнай
цэрымоніі на заканчэнне свайго мінулагодняга візіта ў Вялікабрытанію, біскуп Дэвіс
нагадаў, што “выдатная прароцкая дакладнасць” з якой кардынал Ньюман умеў прадбачыць
выклікі з якімі сёння сустракаецца англійскае грамадства і увесь заходні свет, указваюць
нам на сімптомы маральнага рэлятывізма, якія сталі “хваробай нашага часу”. “Акрамя
таго, што благаслаўлёны прадказаў цяжкія стагодзі, якія трэба будзе перажыць, ён заклікаў
Касцёл заставацца укаранёным у сваёй веры, каб быць здольным перамагчы ўсе цяжкасці
з якімі ён будзе сустракацца”, - сказаў іерарх. Біскуп Дэвіс адзначыў, што рэліквіі
благаслаўлёнага Генры Ньюмана, якія захоўваюцца, у бермінгемскім Араторыі, “дазволяць
яго сэрцу маўкліва перадаваць гэтае натхненне многім іншым сэрцам, умацоўваючы іх
у надзеі на перамогу ў бітве, у якой мы ўсе прымаем удзел”.