Պենետիկտոս ԺԶ Սրբազան Քահանայապետին Հուվուական Այցը Լամեցիա Թերմէ Թեմին Եւ Սեռա Սան Պրունօ Ճգնարան։

Կիրակի 9 հոկտեմբերին Պենետիկտոս ԺԶ Սրբազան Քահանայապետը հովուական միօրեայ այցելութեամբ առաւօտեան ժամը 8.30 օդանաւով մեկնեցաւ դէպի Իտալիոյ Գալապրիա մարզը, հովուական այցելութիւն կատարելու Լամեցիա Թերմէ Թեմին եւ Սերրա Սան Պրունօ վանքը։

Նորին Սրբութիւնը Լամեցիա Թերմէի օդակայանը հասաւ ժամը 9.15-ին, ուր զինք դիմաւորեցին Լամեցիա Թերմէի եպիսկոպոս՝ գերապայծառ Լուիճի Անթոնիօ Գանդաֆորան` Սուրբ Աթոռի մօտ Իտալիոյ Դեսպան Տիար ֆրանչէսքօ Մարիա Կրէքօ, Գալապրիա մարզի նախագահը, Գաթանծարոյի ոստիկանապետը, Լամեցիա Թերմէի Քաղաքապետը, Գաթանծարօ Նահանգի նախագահը եւ Լամեցիայ Թեմէ Օդակայանի Տնօրէնը։
Նորին Սրբութիւնը իրեն ընկերացող շքախումբով անմիջապէս ուղղուեցաւ Լամեցիա Թերմէի արուարձանը, ուր ճարտարարուեստական կեդրոնին մէջ ժամը 10ին մատոյց Սուրբ Պատարագ ու ապա արտասանեց Կիրակնօրեայ Հրեշտակ Տեառն Մարեմեան աղօթքը։ Սուրբ Զոհէն առաջ Բարի Գալուստի խօսք արտասանեցին Լամեցիա Թերմէի քաղաքապետը եւ թեմին արքեպիսկոպոսը։

71 հազար բնակչութիւն ունեցող Լամեցիա Թերմէն նկատուած է իտալական ամենէն <<երիտասարդ>> քաղաքներէն մէկը, հիմնուած է 4 յունուար 1968-ին՝ միացնելով 3 քաղաքապետութիւններ՝ Նիքասթրօ, Սամպիազէ եւ Սանդ Էուֆէմիա Լամեցիա։
Լամեցիա Թերմէ թեմի մայր Տաճարն է Սուրբ Պետրոսի եւ Սուրբ Պօղոսի անուամբ Տաճարը, կառուցուած՝ հին եկեղեցւոյ փլատակներու վրայ 1638 - 1640 թուականներուն։
Լամեցիա Թերմէի եպիսկոպոսն է Գերապայածռա Անթոնիօ Գանթաֆորա ծնած 1943-ին, քահանայ ձեռնադրուած է 1969-ին ու եպիսկոպոսական օծումը ստացած՝ 25 մարտ 2004ին։ Լամեցիա Թերմէ թեմը ունի 915 քմ տարածութիւն, 142.723 բնակչութիւն ու 62 ժողովրդապետութիւններ ուր կը գործեն 89 քահանաներ եւ 21 մնայուն սարկաւագներ։


Սուրբ Զոհի աւարտին եւ Լամեցիա Թերմէ թեմի առաջնորդարանին մէջ նախատեսուած ճաշին, երեկոյեան՝ (ժամը 16.30-ին) Սրբազան Քահանայապետը հանդիպում ունեցաւ Հովուական այցելութեան կազմակերպիչ յանձնախումբի անձնակազմին հետ, ապա հրաժեշտ իրենցմէ իքնաթիռով ուղղուեցաւ դէպի Սեռա Սան Պրունօ՝ ՜՜ Լա Գուէրչա՝՝ մարզադաշտը եւ հասաւ ժամը 17.15ին։ Այնտեղ զինք դիմաւորեց Գաթանծարօ Սգուիլլաչէի Արքեպիսկոպոս Գերապայծառ Վինչէնցօ Պերկթոլոնէ ինչպէս նաեւ Վիպօ Վալենցիայի Ոստինականապետը Սեռա Սան Բրունոյի քաղաքապետը եւ Վիպօ Վալենցեաե նահանգի կառավարիչը։
Գերապայծառ Վինչէնցօ Պերկթոլոնէն ծնած է 17 նոյեմբեր 1946ին եւ քահանայ ձեռնադրուած 17 մայիս 1975-ին, եպիսկոպոս ընտրուած 10 մարտ 2007ին, եւ 25 մարտ 2011ին ալ Արքեպիսկոպոս կ՝ընտրուի Գաթանծարօ Սգուիլլաչէ Թեմին։

Պենետիկտոս ԺԶ Քահանայապետը Ժամը 17.30-ին՝ Սանթօ Սթէֆանօ հրապարակի վրայ հանդիպում ունեցաւ տեղական բնակչութեան հետ, ուր քաղաքապետը արտասանեց ողջոյնի խօսք մը որմէ ետք նորին Սրբութիւնը իր խօսքը ուղղեց ներկաներուն։ Մինչ ժամը 18-ին Չէրթոզա Տի Սեռա Սան Պրունօ եկեղեցւոյ մէջ, Սրբազան Հայրը նախագահեց ժամասացութեան արարողութեան որմէ ետք այցելեց Չէրթոզինի հասարակութիւնը ուր ստորագրեց Ոսկէ մատեանը։
Հուսկ ժամը 19.15-ին հրաժեշտ առնելով Սեռա Սան Պրունոյէն նորին սրբութիւնը իքնաթիռով փոխադրուեցաւ Լամեցիա Թերմէի օդակայանը, ուրկէ երեկոյեան 8-ին, օդանաւով վերադարձաւ Հռոմ։

Նշենք որՊենետիկտոս ԺԶ.քահանայապետէն առաջ, ՅՊԲ երջանկայիշատակ Քահանայապետը, այցելած էր Սան Պրունօ վանքը 1984ի Հոկտեմբեր 5ին։ Սեռա Սան Պրունօ Աբբայարանը կառուցուած է ԺԱ. դարուն Սուրբ Պրունոյի (1030-1101) բաղձանքով։ 1783-ի երկրաշարժի պատճառաւ վանքը մեծ վնասներ կրած է ու ամբողջովին վերակառուցուած՝ 20րդ դարու ընթացքին։
Ի դէպ՝ Սան Պրունօ վախճանած է վանքին մէջ 1101 թուին։