Святы Айцец да вернікаў Калабрыі: апраніцеся ў вясельную вопратку любові!
9 кастрычніка, Бэнэдыкт
XVI наведаў з Апостальскім візітам дзве дыяцэзіі на поўдні Італіі: Ламецыя Тэрмэ і
Сэрра-Сан-Бруно. Каля 9.00 самалёт з Пантыфікам на борце прызямліўся ў аэрапарту Ламецыя
Тэрмэ, адкуль, пасля цэрымоніі прывітання, Святы Айцец накіраваўся на тэрыторыю вялікага
індыстрыяльнага цэнтра, дзе адбылася св. Імша ў якой прынялі ўдзел тысячы вернікаў
Калабрыі. У сваёй гаміліі Святы Айцец паразважаў, над фрагментам сённяшняга Евангелля,
у якім гаворка bшла аб вяселлі на якое былі запрошаны шматлікія госці.
“Езус
у Евангелле расказвае нам аб адказе, які атрымаў на сваё запрашэнне Бог, прадстаўлены
ў вобразе караля. Запрошанных было шмат, але адбылося нешта нечаканае: яны адмовіліся
ўдзельнічаць у свяце, бо мелі іншыя справы; некаторыя нават прадэманстравалі сваю
пагарду запрашэннем. Бог вельмі шчыры да нас – прапануе сваё сяброўства, дары, радасць,
але мы часта не прымаем яго словы, дэманструем сваю зацікаўленасць іншымі рэчамі,
ставім на першае месца матэрыяльныя патрэбы і нашы інтэрэсы”.
Папа адзначыў,
што негледзячы на адмову гасцей прыйсці на вяселле, Бог не губляе сваёй шчырасці і
пасылае слугаў запрасіць на свята іншых людзей – бедных і пакінутых. Святы Айцец засяродзіў
увагу на тое, што Бог меў толькі адно патрабаванне – апрануць вясельную вопратку.
Бэнэдыкт XVI нагадаў, што св. Грыгорый Вялікі, калі тлумачыў гэты фрагмент, адзначыў,
што вера чалавека адкрыла яму дзверы на вяселле, але яму не хапала самага галоўнага
– вясельнай вопраткі – гэта значыць любові і міласэрнасці. “Гэта вопратка сімвалічна
прадстаўляецца двума драўлянымі балкамі – адной вертыкальнай, а іншай гарызантальнай:
любоўю да Бога і любоўю да бліжняга. Усе мы запрошаны на вяселле Пана, але павінны
паклапаціцца аб нашай вясельнай вопратцы - любові, жыцці глыбокай любоўю да Бога і
бліжняга”, адзначыў Папа.
Бэнэдыкт XVI падкрэсліў, што прыехаў, каб падзяліць
з вернікамі дыяцэзіі іх радасці і надзеі, цяжкасці і абавязкі, ідэалы і чаканні. Святы
Айцец звярнуў увагу на галоўныя праблемы рэгіёна: беспрацоўе і крымінальную абстаноўку.
Папа заклікаў вернікаў Калабрыі не губляць аптымізма і з любоўю працаваць для дабра
бліжніх і ўсяго грамадства. “Працягвайце сведчыць аб чалавечых і хрысціянскіх каштоўнасцях,
так моцна ўкаранёных у веры і гісторыі гэтай тэрыторыі і яе насельніцтва”.
Пасля
заканчэння св. Імшы, Бэнэдыкт XVI разам з прысутнымі вернікамі памаліўся “Анёл Панскі”,
перад якім нагадаў, што на працягу месяца кастрычніка вернікі асаблівым чынам, з дапамогай
ружанца разважаюць над таямніцамі жыцця Езуса Хрыста і Панны Марыі. “Марыі я давяраю
вашу дыяцэзіяльную супольнасць, каб ішла у адзінстве веры, надзеі і любові. Няхай
Маці Касцёла заўсёды мае ў сваім сэрцы вашу місіянерскую дзейнасць, падтрымлівае святароў
у із служэнні, бацькоў у выхаванні дзяцей, суцешыць хрорых і пакутуючых, захавае чыстыя
і шчырыя душы ў моладзі. Вера святых абнаўляе свет! Дзякуючы гэтай веры, таксама і
вы, абдновіце сёння вашу і нашу Калабрыю!”, сказаў Бэнэдыкт XVI.