Ֆրանսան Հայաստանի Կը Նուիրէ Ռոտէնի ՝՝Ժիւլ Պասդիէն Լըբաժի՝՝ Արձանը։
Վաղը` Հոկտեմբեր 6ին, երկօրեայ պետական այցով Հայաստան պիտի ժամանէ Ֆրանսայի նախագահ
Նիքոլա Սարքոզի: Այցի ծիրէն ներս Ֆրանսայի նախագահը հանդիպումներ պիտի ունենայ նախագահ
Սերժ Սարգսեանի, Ամենայն Հայոց Կաթողիկոս Գարեգին Բ.-ի հետ, պիտի այցելէ Մեծ Եղեռնի Յուշահամալիր
եւ յարգանքի տուրք մատուցէ Հայոց Ցեղասպանութեան զոհերու յիշատակին: Հայաստանի նախագահի
մամլոյ ծառայութենէն կը տեղեկացնեն, որ Երեւանի մէջ Նիքոլա Սարքոզի Սերժ Սարգսեանի հետ
միասին պիտի մասնակցի նաեւ Շառլ Ազնաւուրի տուն-թանգարանի բացման, ներկայ պիտի գտնուի
Օկիւսթ Ռոտէնի հեղինակած Ժիւլ Պասդիէն Լըբաժի արձանի նուիրատուութեան արարողութեան: Սոյն
Քանդակը Ֆրանսայի Հանրապետութեան նուէրն է Հայաստանի Հանրապետութեան: