ՀՀ Վարչապետըը Կ՝ընդունի Լիբանանի Խորհրդարանի Նախագահը։ Լիբանանի Խորհրդարանի Պատուիրակութիւնը
Կ՝այցելէ Ծիծեռնակաբերդ ։
Վարչապետ Տիգրան Սարգսեան այսօր 4 հոկտեմբեր ընդունեց պաշտօնական այցելութեամբ Հայաստան
ժամանած Լիբանանի խորհրդարանի նախագահը Նեպիհ Պերրիին: Այս առթիւ , Նեպիհ Պերրի տեղեկացուց
թէ յառաջիկային Հայաստան կ՝այցելեն Լիբանանի նախագահը, վարչապետը ու Արտգործ-նախարարը:
Լիբանանի խորհրդարանի նախագահը ըսած է որ Լիբանանի հայ համայնքը մեծ ներդրում ունի իր
երկրի զարգացման գործին մէջ եւ կը հանդիսանայ յուսալի ու ամուր կամուրջ՝ երկու բարեկամ
երկիրներու եւ ժողովուրդներու միջեւ: Միւս կողմէ Լիբանանի խորհրդարանի պատուիրակութիւնը՝
խորհրդարանի նախագահ Նապիհ Պըրրիի գլխաւորութեամբ, Հոկտեմբեր 3ին այցելեց Հայոց Ցեղասպանութեան
յիշատակը յաւերժացնող Ծիծեռնակաբերդի յուշահամալիրը: Լիբանանի պատուիրակութեան կ՛ուղեկցէր
Հայոց Ցեղասպանութեան թանգարան-հիմնարկի տնօրէն Հայկ Դեմոյեան: Լիբանանի խորհրդարանի
նախագահը ծաղկեպսակ դրաւ Հայոց Ցեղասպանութեան անմեղ զոհերու յիշատակը յաւերժացնող յուշահամալիրին
առջեւ ու յարգեց անոնց յիշատակը անմար կրակին մօտ: Ն. Պըրրի այցելեց նաեւ Հայոց Ցեղասպանութեան
թանգարան-հիմնարկը, ուր ծանօթացաւ ցուցադրուող նիւթերուն, ապա արձանագրութիւն կատարեց
պատուաւոր հիւրերու յուշամատեանին մէջ, ուր մասնաւորապէս նշեց. «Կը ցաւիմ հայ ժողովուրդի
ողբերգութեան համար: Այս զոհերը իրենց հասակով արմատ նետած են հայոց հողին մէջ: Եւ այդ
արմատներուն վրայ ալ դեռ կանգուն է Հայաստանը»: Լրագրողներու հետ զրոյցի ընթացքին
Լիբանանի խորհրդարանի նախագահը նշեց, որ ասիկա առաջին անգամը չէ որ Հայաստան կու գայ,
բայց ամէն անգամ նոյն ցաւը կ՛ապրի՝ գտնուելով Ծիծեռնակաբերդի մէջ: Ն. Պըրրի եղեւնի
տնկեց Հայոց Ցեղասպանութեան անմեղ զոհերու յիշատակը յաւերժացնող «Յուշերու Պուրակ»ին
մէջ: