Секулярызацыя і фундаменталізм – асноўныя праблемы Касцёла ў Азіі

Арцыбіскуп Гувагаці ў Індыі, Томас Мэнампарампіль, старшыня Камісіі па евангелізацыі Федэрацыі Біскупаў Азіі у інтэрв’ю інфармацыйнаму агенцтву “Fides” cказаў, што “секулярызацыя спрыяе таму, што ў азіяцкіх краінах узнікаюць групы фундаменталістаў, якія выкарыстоўваюць у сваіх інтэрэсах эмоцыі і патрэбы людзей”.

Падчас канферэнцыі ў тайландскім Паттая, якую арганізавала Федэрацыя Біскупаў Азіі, іерарх адзначыў, што секулярызацыя і рост фундаменталізма прадстаўляюць “два найбольшыя выклікі для евангелізацыі ў Азіі”. Ватыканскае выданне “L’Osservatore Romano” нагадала, што падчас прац гэтага форума біскупы, тэолагі, эксперты па сацыяльных праблемах азіяцкага кантынента абмеркавалі тэму: “Евангелізацыя ў Азіі ў кантэксце секулярызацыі і фундаменталізма”. Інфармацыйнае агенцтва “Fides” паведамляе, што для арцыбіскупа Гувагаці з’яўляецца важным тое, каб азіяцкія біскупы “былі ў стане даць адпаведныя адказы неабходныя для разумення прычын існавання гэтых двух з’яў”.

Іерарх адзначыў, што “ў Азіі найбольшай небяспекай з’яўляецца з аднаго боку празілетыская дзейнасць пяцідзесятнікаў, а з іншага індуіскі і ісламскі фундаменталізм, якія парушаюць сацыяльную і рэлігійную гармонію. Арцыбіскуп Гувагаці сказаў, што на Каталіцкі Касцёл не можа адказаць на гэтыя з’явы агрэсіяй, але толькі спрыяючы пашэрынню каштоўнасцяў, якія падзяляюцца ва ўсім свеце.