Պենետիկտոս ԺԶ Քահանայապետը Երկխօսութեան Ու Աղօթքի Խաղաղութեան Օրուան Առթիւ Ասսիզի
Կը Հրաւիրէ Նաեւ՝ Աստուածամերժերը, ։
Ասսիզիի մէջ, 27 հոկտեմբեր 2011ին տեղի ունենալիք ՜՜Երկխօսութեան ու աղօթքի խաղաղութեան՝՝
օրուան առթիւ, աստուածամերժերը եւս իրենց մասնակցութիւնը պիտի բերեն այդ օրուան հանդիպումին։
Կլոր սեղան մը նախատեսուած է 26 հոկտեմբերին Հռոմի երրորդ համալսարանի մէջ, որուն պիտի
գլխաւորէ իտալացի իմաստասէր Մառամաօ` անդամ Փարիզի իմաստասիրութեան միջազգային ճեմարանին։
Կլոր սեղանին նպատակն է, բանակցիլ ''ճշմարտութեան ուխտաւորներ, խաղաղութեան ուխտաւորներ''
նիւթին շուրջ։ Յայտնենք որ Ասսիզիի միջկրօնական հաւաքը, չորրորդն է որ Քահանայապետէն
գլխաւորուած է, յետ 1986ի, 1993ի, եւ 2002-ի հաւաքներուն։ Հաւաքին մասնակցողները
հրաւիրուած են Սրբազան Քահանայապետին հետ շոգեկառքով երթալ Ասսիզի։ Պենետիկտոս ԺԶ
Քահանայապետը որպէս ուխտաւոր կը մեկնի Ասսիզի` խորհրդանիշը եղբայրակցութեան ու խաղաղութեան։
Այդ հաւաքին հրաւիրուած են տարբեր դաւանանքի պատկանող քրիստոնեաները, աւանդական կրօններու
ներկայացուցիչները ու բարի կամք ունեցող մարդիկ։