Նիւր Եորքի Մէջ Աւելի Քան 700 Ցուցարարներ Ձերբակալուած.
Նիւ Եորքի ոստիկանութիւնը ձերբակալած է « Գրաւէ Ուոլ Սթրիթը » նախաձեռնութեան մասնակից
աւելի քան 700 ցուցարարները, որոնք շաբաթ երեկոյեան քանի մը ժամով փակած էին Նիւ Եորքի
մէջ գտնուող Պրուքլինի կամուրջը: Անոնք խուլիկանութեամբ եւ օրինազանցութեամբ կը մեղադրուին: «Գրաւէ
Ուոլ Սթրիթը » նշանաբանով ցոյցերու շարքը սկսաւ սեպտեմբերի կէսին: Ցուցարարները Նիւ Եորքի
սակարանի շէնքին մօտ վրանային ճամբար հիմնած՝ պարբերաբար Ուոլ Սթրիթի մէջ բողոքի տարբեր
արարքներ կը կազմակերպեն` ելեւմուտքի մարզի գործիչներուն ժլատութեան, ընկերային անհաւասարութեան,
դրամատուներուն նկատմամբ ցուցաբերուող պետական աջակցութեան եւ այլ ընկերային հարցերու
գծով: