Германія: набажэнства з нагоды святкавання аб’яднання краіны
3 кастрычніка Германія
адзначае дзень аб’яднання, якое адбылося ў 1990 г. З гэтай нагоды ў многіх касцёлах
краіны адбыліся святочныя і памятныя мерапрыемства, падчас якіх ўзгадвалася аб цяжкіх
часах варожасці, абсурда і атэізма, якія панавалі на працягу амаль 40 гадоў.
“Сёння
многія адзначаюць, што вельмі хутка ў свядомасці людзей сцёрлася памяць аб тых жорсткіх,
атэістычных метадах Адзінай Сацыялістычнай Партыі Германіі”, - сказаў арцыбіскуп Кёльна,
кардынал Ёахім Майснер, падчас экуменічнага набажэнства, якое прайшло ў касцёле св.
Крыжа ў Бонне.
“Межы падзялілі нашу Айчыну, аддзялілі чалавека ад чалавека,
разбілі сем’і і чалавечыя адносіны. Існавалі спробы самаго Бога выгнаць за гэты межы”,
- сказаў нямецкі іерарх. Кардынал звярнуў увагу на тое, што як дапаможны біскуп у
Эрфурце, а пазней біскуп у Берліне, асабіста перажываў “усю абсурднасць падзелу Германіі”.
“Сацыялістычны рай патрабаваў межаў, прыград і палос смерці, каб людзі не маглі яго
пакінуць”, - нагадаў кардынал Майснер.Іерарх заклікаў “бараніць, захоўваць і паглыбляць
разуменне дара свабоды, які быў атрыманы”.
У набажэнстве прыняў удзел таксама
прэзідэнт Германіі Крысціян Вульф, старшыня парламента Норберт Ламерт і канцлер Ангела
Мэркель. Акрамя таго быў прысутны Апостальскі нунцый у Германіі арцыбіскуп Жан-Клод
Пэрысэ.