«Հայաստանը՝ Ձեր Գործընկեր 2011» Ցուցահանդէսը՝ Նուիրուած ՀՀ Անկախութեան 20ամեակին:

30 Սեպտեմբեր- 2 Հոկտեմբեր Կ. Դէմիրճեանի անուան Մարզահամերգային Համալիրին մէջ՝ կառավարութեան հովանիին տակ՝ կ՝իրականացուի “Հայաստանը` ձեր գործընկերը 2011” Ցուցահանդէսը: Անիկա նուիրուած է Հայաստանի Հանրապետութեան
Անկախութեան 20ամեակին:
Ցուցահանդէսի տաղաւարներուն մէջ կը ներկայացուին Հայաստանի տնտեսութեան բազմաթիւ ճիւղերու արտադրանքը, ճարտարագիտութիւնները եւ ծառայութիւնները: “Հայաստանը` ձեր գործընկեր 2011”ի կազմակերպիչներն են ՀՀ Առեւտրա-արդիւնաբերական պալատը եւ “Փրոմ Էքսփօ” ընկերութիւնը: