Італьянскія біскупы: Касцёл не можа быць маўклівым сведкам зацямнення калектыўнай
надзеі
У цэнтры ўвагі італьянскіх
біскупаў праблемы хрысціянскай адукацыі, сям’і і выхавання святароў. На гэтыя аспекты
звярнуў увагу арцыбіскуп Марыяно Крочата, генеральны сакратар італьянскага епіскапата,
пасля завяршэння восеньскай сесіі Канферэнцыі Біскупаў Італіі.
Акрамя таго,
у цэнтры дыскусій італьянскіх каталіцкіх іерахаў былі сацыяльна-палітычныя праблемы
ў краіне. “Касцёл не дае ацэнку тэхнічным аспектам дынамік палітычнага жыцця. Касцёл
не мае сваёй партыі, якую падтрымлівае і арганізуе. Не выбірае ўрады і тым больш не
адпраўляе іх дамоў”, - падкрэсліваюць біскупы, і адзначаюць, што яны, аднак, “не могуць
заставацца маўклівымі сведкамі зацямнення калектыўнай надзеі”.
“Перад абліччам
клімата небяспекі, які пашыраецца ў сацыяльнай сферы і ўмацаваны культурнай і маральнай
дызарыентацыяй, біскупы адчуваюць сваю адказнасць за тое, каб спрыяць захаванню надзеі,
якая мае аблічча Езуса Хрыста”, - адзначаецца ў пасланні. Каталіцкія іерархі звяртаюць
увагу на праблемы у сферы працы і сям’і, “нездольнасць адпаведна адказаць на выклікі
крызіса, які нажаль абцяжарваецца неадэкватным разуменнем грамадзянскага і публічнага
жыцця”; адзнчаецца ўплыў падзення узроўня маральнасці на адукацыю і культуру краіны,
а таксама ўмацаванне індывідуалізма і павярхоўнасці”.
На падставе гэтага, епіскапат
Італіі, падкрэслівае прыярытэт навучання веры. “Тут знаходзіцца крыніца надзеі: таму
пытанне аб Богу застаецца першасным”, - адзначаецца ў пасланні. Біскупы заклікаюць
звярнуцца да мудрасці сацыяльнага навучання Касцёла. “Даць надзею праз умацаванне
прымата чалавека, сям’і, актыўнай дзейнасці католікаў у палітычнай сферы, але не спадзяючыся
стварыць уласную палітычную партыю”, - адзначаюць біскупы Італіі.