Кардынал Лаёла закончыў працу на пасадзе губернатара Ватыкана
1 кастрычніка 2011
г кардынал Джаванні Лаёла, закончыў сваю працу на пасадзе старшыні Папскай камісіі
па справах горада-дзяржавы Ватыкан. Пасля таго, як іерарх падаў Бэнэдыкту XVI прашэнне
аб адстаўцы ў сувязі з надыходам сталага ўзроста, Папа прасіў яго застацца губернатарам
менавіта да сённяшняга дня.
У інтэрв’ю “L’Osservatore Romano” іерарх расказаў
аб сваё працы на пасадзе губернатара Ватыкана, якая працягвалася на працягу пяці гадоў.
Кардынал Лаёла падкрэсліў, што ён ніколі не працаваў адзін, але “заўсёды разам з многімі
іншымі, з кім пераносіў радасці і цяжкасці штодзённасці”. “Першае, што хочацца адзначыць,
гэта тое, што сёння Губернатарыят працуе добра”. – сказаў кардынал Лаёла.
Найбольш
відавочныя плёны, на думку іерарха бачны ў Ватыканскіх музеях - да цудоўных калекцыі,
дадалася магчымасць хуткага замаўляення экскурсій праз інтэрнэт, адкрытасць экспазіцыі
ноччу, ў пэўныя дні і перыяды, спрыянне знаёмству школьнікаў са скарбамі, якія захоўваюцца
ў Ватыкане, вялікая колькасць выстаў на розныя тэмы, удасканаленне рэстаўрацыйнай
майстэрні і актывізацыя кантактаў з іншымі сусветна вядомымі музеямі.
Акрамя
таго кардынал Лаёла расказаў аб вялікай працы рэстаўрацыйнага, філатэлістычнага, нумізматычнага
аддзелаў Ватыкана, якія рэалізавалі вялікую колькасць праектаў. “На працягу апошніх
гадоў сумесна з Дзяржсакратарыятам, мы распрацавалі масу новых законаў: аб крыніцах
права, грамадзянства, рэгістрыцыі жыхароў, аб ахове здароўя працаўнікоў, пераапрацоўцы
смецця, у сферы барацьбы з адмываннем грошаў і фінансаваннем тэрарызма”, - расказаў
кардынал. Іерарх звярнуў увагу таксама на праграму эканоміі электраэнэргіі і выкарыстання
сонечных батарэй, якая актыўна рэалізоўваецца ў Ватыкане.
Кардынал Лаёла падзякаваў
усім з кім яму давялося працаваць разам і пажадаў поспехаў новаму губернатару Ватыкана
арцыбіскупу Джузеппе Бартэлло, які пачаў выконваць гэтыя свае абавязкі сёння.