2012-ի Հաղորդակցութեան Համաշխարհային Օրուան Պատգամը.''Լռութիւն Եւ Խօսք. Աւետարանութեան
ճանապարհը'' Բնաբանով ։
''Լռութիւնը եւ խօսքը. աւետարանութեան ճանապարհ'' բնաբանով պատգամը լոյս պիտի տեսնէ
յառաջիկայ 24 յունուար 2012-ին, լրագրողներու պաշտպան սուրբին՝ Ս. ֆրանչիսքոս տը Սալեսին
տօնին առթիւ ։ Ընկերային հաղորդակցութեանց քահանայապետական խորհուրդի նախագահը մամուլին
հաղորդելով 2012 ի պատգամին բնաբանը, յայտնեց որ Սրբազան Քահանայապետին համար լռութիւնը
ամբողջարար գործիչ մըն է։ Լռութիւնը կարելի է նկատել հիմնական պահը ընդունելու՝ ՜՜ Աստուծոյ
խօսքը՝՝։ Լռութիւնը եւ խօսքը հաւասարակշռելով կը հարստանայ հաղորդակցութեան արժէքը, եւ
կը դառնայ բանալին նոր աւետարանացումի։ Յայտնենք որ 2012-ի հոկտեմբերին, Վատիկանի
մէջ պիտի կայանայ եպիսկոպոսական սիւնոդոսը ''Նոր Աւետարանացումի'' նիւթին մասին։ Նշենք
որ ընկերային հաղորդակցութեանց համաշխարհային օրը, միակ համաշխարհային համախմբութիւնն
է, հաստատուած՝ Վատիկանեան Բ. Տիեզերական Ժողովէն 1963-ին։ Բազմաթիւ երկիրներու մէջ
սոյն օրը կը կը նշուի Պենետեկոստէի տօնը կանխող կիրակին՝ յառաջիկայ տարի, 2012-ին՝ կը
զուգադիպի 20 մայիսին։