30 സെപ്റ്റംമ്പര് 2011, ന്യൂയോര്ക്ക് പലസ്തീന്-ഇസ്രായേല് സ്വതന്ത്ര രാഷ്ട്രങ്ങള്
യാഥാര്ത്ഥ്യമാക്കണമെന്ന്, ആര്ച്ചുബിഷപ്പ് ഡോമിനിക്ക് മംമ്പേര്ത്തി, വത്തിക്കാന്റെ
പ്രതിനിധി യുഎന്നില് പ്രസ്താവിച്ചു. സെപ്റ്റംമ്പര് 28-ാം തിയതി ബുധനാഴ്ച ന്യൂയോര്ക്കിലെ
ഐക്യരാഷ്ട്ര സംഘടനയുടെ ആസ്ഥാനത്തു ചേര്ന്ന പൊതുസമ്മേളനത്തിലാണ് വത്തിക്കാന്റെ വിദേശ
കാര്യങ്ങള്ക്കായുള്ള സെക്രട്ടറി, പരിശുദ്ധ സിംഹാസനത്തിന്റെ നിലപാടു വ്യക്തമാക്കിയത്.
1947-ല് ഐക്യരാഷ്ട്ര സംഘടനയുടെ പൊതുസമ്മേളനം പാസ്സാക്കിയിട്ടുള്ള പലസ്തീന്-ഇസ്രായേല്
ഇരുരാഷ്ട്രങ്ങള്ക്കായുള്ള 181-ാം പ്രമേയത്തെ പിന്താങ്ങുന്നതായിരുന്നു വത്തിക്കാന്റെ
നിലപാട്. സ്ഥായിയായ സമാധാനം വിശുദ്ധനാട്ടില് കൈവരിക്കാന് ഇരുരാഷ്ട്രങ്ങളുടെയും സ്വതന്ത്രമായ
അസ്ഥിത്വം യാഥാര്ത്ഥ്യമാക്കാന് പോരുന്ന ഉറച്ച തീരുമാനങ്ങളും നയങ്ങളും അടിയന്തിരമായി
നടപ്പാക്കണമെന്ന് ആര്ച്ചുബിഷപ്പ് മംമ്പേര്ത്തി യുഎന് സമ്മേളനത്തോട് അഭ്യര്ത്ഥിച്ചു.