29 верасня у Апостальскім
палацы ў Кастэль Гандольфа Бэнэдыкт XVI сустрэўся з Мітрапалітам Іларыёнам, кіраўніком
аддзела знешніх царкоўных сувязяў Маскоўскага Патрыярхата.
Пасля сустрэчы,
у інтэрв’ю нашаму радыё праваслаўны іерарх адзначыў, што Святы Айцец гэта чалавек
веры. “Кожны раз, калі з ім сустракаюся, адчуваю сябе ўзмоцненым яго духам, адвагай
і ахвярнасцю на карысць Касцёла ва ўсім свеце”, - сказаў Мітрапаліт. Акрамя таго іерарх
выказаў сваё захапленне з таго, наколькі добра Папа ведае праваслаўныя традыцыі і
наколькі шмат увагі надае дыялогу паміж праваслаўнымі і католікамі. Мітарапаліт Іларыён
выказаў упэўненасць, што пасля вырашэння спрорных пытанняў паміж Касцёлам і Рускай
Праваслаўнай Царковой сустрэча паміж Папам і Патрыярхам Кірылам павінна абавязкова
адбыцца.
“Мы спадзяемся, што рана ці позна, у будучыні, гэта сустрэча
пройдзе. Мы яшчэ не гатовы абмяркоўваць канкрэтную дату, месца і пратакол гэтага мерапрыемства,
бо тое, што нам важна гэта яго змест. Як толькі мы дамовімся аб змесце, аб тых пунктах
па якім паміж намі існуюць рознагалоссі, тады я думаю гэта сустрэча можа адбыцца.
Яна патрабуе вельмі ўважлівай падрыхтоўкі падчас якой не трэба спяшацца, для таго
каб сустрэча стала асаблівым момантам”.
Мітрапаліт Іларыён знаходзіцца
ў Рыме з 27 верасня. Ён таксама меў сустрэчы з кардыналам Куртам Кохам, старшынёй
Папскай рады спрыяння хрысціянскаму адзінству, кардыналам Джанфранка Равазі, старшынёй
Папскай рады па культуры і з кіраўніцтвам дабрачыннай каталіцкай арганізацыі “Супольнасць
св. Ігідзія”.