29 верасня ў Швейцарскай
Залі Апостальскага палаца ў Кастэль Гандольфа, Бэнэдыкт XVI развітаўся з прадстаўнікамі
манаскіх і свецкіх супольнасцяў, якія дапамагалі ў арганізацыі адпачынка Святога Айца.
“Падыходзіць да завяршэння летні перыяд, якія я правёў у гэтым вельмі мне дарагім,
ветлівым і гасцінным месцы. Кастэль Гандольфа, таксама і на працягу гэтага лета, адкрыў
свае дзверы для многіх пілігрымаў і наведвальнікаў, якія прыбывалі, каб сустрэцца
з Папам і маліцца разам з ім, асабліва ў нядзелю падчас малітвы “Анёл Панскі” і, часам,
па серадах, падчас агульнай аўдыенцыі”, - сказаў Папа.
Святы Айцец адзначыў,
што меў магчымасць захапляцца шчырасцю, з якой працаўнікі клапаціліся аб ім, яго супрацоўніках
і шматлікіх пілігрымах. Папа падзякаваў таксама біскупу Альбано-Лаціальскаму, Марчэлло
Сэмераро, пробашчу парафіяльнага касцёла ў КастэльГандольфа, а таксама манаскім супольнасцям
і шматлікім свецкім аб'яднанням, якія клапаціліся аб адпачынку Святога Айца.
Акрамя
таго, Бэнэдыкт XVI выказаў словы падзякі прадстаўнікам мясцовых уладаў, ватыканскай
жандармерыі, тэхнічнаму і медыцынскаму персаналу і корпусу Швейцарскай гвардыі, якая
ахоўвала бяспеку Пантыфіка.
Яшчэ учора Папа развітаўся з супрацоўнікамі летняй
рэзідэнцыі ў Кастэль Гандольфа. Бэнэдыкт XVI падкрэсліў наколькі прыгожа жыць у цішыні
і ў кантакце з прыродай. "Прырода, гэта цудоўны плён працы рук Стварыцеля; цішыня,
дазваляе нам разважаць без перашкод аб нашым існаванні...У такім асяродку як гэты,
нашмат лягчэй знайсці саміх сябе, слухаючы ўнутраны голас, г.зн. прысутнасць Бога,
які дае глыбокі сэнс нашаму жыццю", - сказаў Святы Айцец.