Mitropiliti Hilarion në Vatikan: Papa i ndihmon katolikët e ortodoksët ta kuptojnë
më mirë njëri-tjetrin
Benedikti XVI priti sot në audiencë në Kastel Gandolfo, Mitropolitin e Volokolamskut,
Hilarion, kryetar i Departamentit për Marrëdhëniet e Jashtme Kishtare të Patrikanës
së Moskës. Në fund të takimit, ia drejtuam mikrofonin pikërisht Mitropolitit ortodoks: Shenjtëria e
Tij është njeri i fesë dhe sa herë e takoj me jep guxim përshpirtëria e tij, kurajo
e tij e përkushtimi ndaj jetës së Kishës. Natyrisht, mbetem gjithnjë i habitur nga
njohuritë e tij për traditat ortodokse dhe nga kujdesi që ka për dialogun mes nesh.
Pak ditë më parë, në Gjermani, u takua me përfaqësuesit ortodoksë e luteranë e foli
për dialogun ndërmjet katolikëve e ortodoksëve. Mendohet se ky qëndrim i kreut të
Kishës romake Katolike do të ndihmojë në të ardhmen të kuptohemi më mirë. Ç’mund
të thuhet për një takim të mundshëm ndërmjet Papës e Patrikut të Moskës e të të gjithë
Rusive? Besojmë se herët a vonë, ky takim do të bëhet. Ne nuk jemi akoma gati
të diskutojmë datën, vendin e protokollin e kësaj ngjarjeje, pasi për ne, ka rëndësi
më tepër përmbajtja e tij. Sapo të merremi vesh për përmbajtjen, për pikat që akoma
po diskutohen e për të cilat kemi opinione të kundërta, besoj se mund ta realizojmë
takimin. Gjithsesi, nuk duhet të ngutemi. Përgatitja kërkon kujdes të madh.