Motu proprio Quaerit semper modifies Church legal system
Pope Benedict XVI issued an Apostolic Letter motu proprio on Monday, in which
certain kinds of cases arising under Church law, such as a claim that a marriage had
been contracted but not consummated - and the existence of a just cause for granting
a dispensation - as well as claims regarding the nullity of Holy Orders, have been
removed from the Congregation for Divine Worship and the Discipline of the Sacraments.
Such cases will now be examined by a new office established within the Roman Rota.
In the Letter, Pope Benedict XVI explains that the move is being made so that the
Congregation for Divine Worship and the Discipline of the Sacraments will be free
more fully to dedicate itself to the renewal of the Sacred Liturgy, envisioned by
the Second Vatican Council in the document Sacrosanctum concilium.
Below
is the full Latin text of the Motu proprio
Litterae apostolicae Motu
proprio datae Quibus Constitutio apostolica Pastor bonus immutatur atque quaedam
competentiae a Congregatione de Cultu Divino et Disciplina Sacramentorum ad novum
Officium de processibus dispensationis super matrimonio rato et non consummato ac
causis nullitatis sacrae Ordinationis, apud Tribunal Rotae Romanae constitutum, transferuntur. Benedictus
pp. XVI Quaerit semper Apostolica Sedes sua moderaminis instituta
pastoralibus necessitatibus accommodare, quae annorum decursu in Ecclesiae vita identidem
exstiterunt, structuram ideo immutans et competentias Dicasteriorum Curiae Romanae.
Ceterum Concilium Oecumenicum Vaticanum ii hanc agendi rationem confirmat, dum
pariter edicit Dicasteria esse aptanda necessitatibus temporum, regionum ac Rituum,
praesertim quod spectat ad eorundem numerum, nomen, competentiam propriamque procedendi
rationem, atque inter se laborum coordinationem (cfr. Decr. Christus Dominus, 9). Haec
principia persequens, Decessor Noster, beatus Ioannes Paulus ii, operam dedit ut Curia
Romana in universum denuo per Constitutionem apostolicam Pastor bonus disponeretur,
quae die XXVIII mensis Iunii anno mcmlXXXVIII edita est (AAS 80 [1988] 841-930), Dicasteriorum
competentiam ita definiens, prae oculis Codice Iuris Canonici habito, qui quinque
ante annis evulgatus erat, necnon normis respectis quae iam tunc adumbrabantur pro
Ecclesiis Orientalibus. Deinceps aliis praescriptis tum idem beatus Decessor Noster,
tum Nos Ipsi effecimus ut structura et competentiae nonnullorum Dicasteriorum immutarentur,
quo expeditius commutatis necessitatibus subveniretur. His rerum in adiunctis congruum
visum est Congregationem de Cultu Divino et Disciplina Sacramentorum potissimum operam
dare ad Sacram Liturgiam in Ecclesia iteratis nisibus promovendam, secundum renovationem,
quam Concilium Oecumenicum Vaticanum ii, initio sumpto ex Constitutione Sacrosanctum
Concilium, voluit. Itaque consentaneum iudicavimus ad novum Officium, apud Tribunal
Rotae Romanae constitutum, competentiam transferre quae respiceret processus dispensationis
super matrimonio rato et non consummato necnon causas nullitatis sacrae Ordinationis.
De consilio igitur Venerabilis Fratris Nostri Eminentissimi Cardinalis Praefecti
Congregationis de Cultu Divino et Disciplina Sacramentorum, favente excellentissimo
Decano Tribunalis Rotae Romanae, auditis item sententiis Supremi Tribunalis Signaturae
Apostolicae et Pontificii Consilii de Legum Textibus, haec quae sequuntur decernimus: Art.
1. Abrogantur articuli 67 et 68 Constitutionis apostolicae Pastor bonus, quam supra
memoravimus. Art. 2. Articulus 126 eiusdem Constitutionis apostolicae Pastor
bonus ad subsequentem textum mutatur: Art. 126 § 1. Hoc Tribunal instantiae superioris
partes apud Apostolicam Sedem pro more in gradu appellationis agit ad iura in Ecclesia
tutanda, unitati iurisprudentiae consulit et, per proprias sententias, tribunalibus
inferioribus auxilio est. § 2. Apud hoc Tribunal Officium est constitutum, cuius
est cognoscere de facto inconsummationis matrimonii et de exsistentia iustae causae
ad dispensationem concedendam. Ideoque acta omnia cum voto Episcopi et Defensoris
Vinculi animadversionibus accipit et, iuxta peculiarem procedendi modum, perpendit
atque, si casus ferat, Summo Pontifici petitionem ad dispensationem impetrandam subicit. §
3. Hoc Officium competens quoque est in causis de nullitate sacrae Ordinationis cognoscendis
ad normam iuris communis et proprii, congrua congruis referendo. Art. 3. Officio
de processibus dispensationis super matrimonio rato et non consummato ac causis nullitatis
sacrae Ordinationis praeest Rotae Romanae Decanus, quem adiuvant Officiales, Commissarii
deputati et Consultores. Art. 4. Die quo hae Litterae vim obligandi sortientur,
processus dispensationis super matrimonio rato et non consummato ac causae nullitatis
sacrae Ordinationis, quae apud Congregationem de Cultu Divino et Disciplina Sacramentorum
reperiuntur, novo Officio apud Tribunal Rotae Romanae demandabuntur, quod easdem definiet. Nostras
has deliberationes, quas his apostolicis Litteris Motu proprio datis praescripsimus,
firmas et efficaces omnibus ex partibus esse et fore volumus, non obstantibus quibusvis
contrariis rebus, etiam peculiari mentione dignis, atque decernimus ut per editionem
in actis diurnis «L’Osservatore Romano» eaedem promulgentur et vim suam exserant a
die primo mensis Octobris anno mmxi. Datum ex Arce Gandulfi, die XXx mensis Augusti,
anno Domini mmxi, Pontificatus Nostri septimo.