«Ազրպէյճանի Որեւէ Արկածախնդրութիւն Պիտի Արագացնէ Մեր Կողմէ Լեռնային Ղարաբաղի Հանրապետութեան
Ճանաչումը »Կ՛ըսէ Նախագահ ՍԵՐԺ ՍԱՐԳՍԵԱՆ։
Հայաստանի նախագահ Սերժ Սարգսեան անցնող շաբաթավերջին Միացեալ Նահանգներու մէջ Հայաստանի
դեսպանութեան, ՄԱԿ-ի մօտ Հայաստանի մնայուն ներկայացուցչութեան, եւ ամերիկահայ կազմակերպութիւններուն
կողմէ Նիւ Եորքի մէջ կազմակերպուած հանդիսաւոր ընդունելութեան ժամանակ , յայտարարեց որ
Ազրպէյճանի որեւէ արկածախնդրութիւն, ԵԱՀԿ-ի Մինսքի խմբակի ծիրէն դուրս իրականացուած գործողութիւն,
պիտի արագացնէ Հայաստանի կողմէ Լեռնային Ղարաբաղի ճանաչումը: Հանրապետութեան նախագահը
ընդգծեց, որ Արցախը արդէն 20 տարիէ ի վեր կը վայելէ իր անկախութիւնը եւ չի կրնար լուծման
իբրեւ արդիւնք աւելի ցած կարգավիճակ ունենալ, քան այն, ինչ որ ունի արդէն եւ ինչ որ վաստկած
է իր զաւակներուն արիւնով: Ղարաբաղի անկախութիւնը, անոր ժողովուրդի ինքնորոշման իրաւունքի
իրագործումը որեւէ պարագայի չեն կրնար հարցականի տակ դրուիլ: