Берлін: месца наступнай сустрэчы Экуменічнай супольнасці Тэзэ
Еўрапейская сустрэча
моладзі, якую арганізуе Экуменічная супольнасць Тэзэ з 28 снежня 2011 г. па 1 студзеня
2012 г. пройдзе ў Берліне. “Гэтая сустрэча будзе для нас вялікім выклікам, бо Берлін
гэта вялікі горад, з вельмі розным насельніцтвам, у якім існуе адносна мала рэлігійных
супольнасцяў”,- сказаў брат Леанард з супольнасці Тэзэ. Ён адзначыў, што сулольнасць
мае “вялікія чаканні ад гэтай сустрэчы і яна упэўненая, што таксама і ў гэтым годзе
сустрэча будзе важным знакам для Касцёла і для грамадства, як таксама вялікім вопытам
для тых, хто будзе ў ёй прымаць ўдзел”,- заявіў брат Леанард.
Падчас сустрэчы
моладзі ў Берліне агульныя малітвы будуць праходзіць у гандлёвым цэнтры “Messegelande”.
Моладзь, якая прыме ўдзел у форуме атрымае гасціннасць ў каталіцкіх і лютэранскіх
сем’ях гораду. Частка праграмы сустрэчы пройдзе ў парафіях, у якіх моладзь будзе маліцца
і разважаць на розныя тэмы. Вечарам 31 снежня маладыя людзі будуць удзельнічаць у
“Свяце нацый”, якое пройдзе ў мясцовых Касцёлах.
У мінулым годзе ў нідэрландскім
Ратэрдане ў Еўрапейскай сустрэчы моладзі прыняло ўдзел больш за 30 тыс. маладых людзей.