Кіраўнік Залі Друку
Апостальскай Сталіцы і дырэктар Ватыканскага радыё кс. Фэдэрыко Ламбардзі каментуючы
Апостальскі візіт Бэнэдыкта XVI у Германію, падкрэсліў, што Папа звярнуў шмат ўвагі
на тых хрысціян, якія супрацьстаялі нацыскай і камуністычнай ідэалогіям. “У гаміліі
падчас суботняй св. Імшы у Эрфурце Бэнэдыкт ХVI сказаў, што хрысціяне з былой ГДР
жылі ва ўмовах выгнання. Неглядзячы на гэта іх вера станавілася мацнейшай”,- адзначыў
кс. Ламбардзі. Ён расказаў, што Папа падзякаваў жыхарам Эйсфельда, маленькага мястэчка,
які не гледзячы ні на што застаўся каталіцкім, і адначасова заахвоціў вернікаў супрацьстаяць
новымі выклікам, звязаным з забываннем аб Богу.
Кс. Ламбардзі падкрэсліў таксама
вялікае значэнне сустрэчы Святога Айца з прадстаўнікамі Лютэранскай Царквы ў Германіі.
Дырэктар Ватыканскага радыё адзначыў, што падчас гэтай сустрэчы “Папа звярнуў увагу
на важнасць пытання аб Богу і Божай міласэрнасці, якое глыбока турбавала Лютэра. “Гэта
з’яўляецца адным з фундаментаў супольных інтэрэсаў паміж каталікамі і лютэранамі”,
- сказаў дырэктар Ватыканскага радыё.