Կիրակի 25 Սեպտեմբերին Հայ Եկեղեցին Կը Յիշատակէ Վարագայ Սուրբ Խաչի Տօնը։ Ամէն
տարի Սուրբ Գէորգի տօնին յաջորդող Կիրակին, որ միշտ Սեպտեմբեր 28-ի ամենէն մօտ Կիրակին
է, Հայ Եկեղեցին կը նշէ խաչին նուիրուած Վարագայ Ս. խաչի տօնը: Այս տօնը կը վերագրուի
՜՜Ս. խաչի երեւման Վարագ լեռներու բարձունքներուն վրայ կառուցուած վանքին մէջ՝՝: Ըստ
աւանդութեան, Ս. Հռիփսիմէն այդ տեղ պահեր է իր վիզի խաչը: Հոն, շուրջ 653-ին, երկու
ճգնաւորներ, Յովէլ եւ Թոդիկ, տեսիլք մը կ'ունենան, ուր հրաշալի լուսաւորութիւն մը զիրենք
կ'առաջնորդէ դէպի Վանի Վարագ լեռներ, ուր լուսաւորութիւնը կը կեդրոնանայ, ու ի յայտ կու
գայ՝ խաչ մը:
Վարագավանքը՝ Կը գտնուի Վան քաղաքին հարաւ-արեւելեան կողմը, Վարագ
լերան արեւմտեան լանջին: 653-ին երբ յայտնի կը դառնայ Վարագայ Ս. Խաչի «Նշան»ին
տեղը, Ներսէս Գ. կաթողիկոս Տայեցին, կը կառուցէ Ս. Նշան եկեղեցին եւ կը հաստատէ Վարագայ
Ս. Խաչի տօնը: 870-ին արաբները կը գրաւեն Վարագավանքը, սակայն շատ չանցած Աշոտ Արծրունի
իշխանը կ'ազատագրէ զայն: 1857-ին Վարագավանքի վանահայր կը նշանակուի Խրիմեան Հայրիկը
«Մկրտիչ Ա. Խրիմեան Վանեցի»: 1915-էն ի վեր Վարագավանքը լքուած է եւ ներկայիս աւերակ
վիճակի մէջ կը գտնուի։