ՀՀ ԱԳ Նախարար Էդուարդ Նալպանտեան ԱՄՆ-ի Մէջ Հանդիպած՝ ԵԱՀԿ-ի Համանախագահներուն։ Նախագահ
Կիւլ-ի Շնորհաւորագիրը։
Հայաստանի նախագահի գլխաւորած Պատուիրակութեան հետ Նիւ Եորք մեկնած ՀՀ արտաքին գործոց
նախարար Էդուարդ Նալպանտեան 22 Սեպտեմբերին հանդիպում ունեցած է ԵԱՀԿ-ի Մինսկի խումբի
համանախագահներ Իկոր Պոպովի, Ռոպերթ Պրատքէի եւ ԵԱՀԿ գործող նախագահի անձնական ներկայացուցիչ
Անճէյ Գասփրչիկի հետ: Հանդիպման ընթացքին շարունակուած են քննարկումները արցախեան հիմնախնդրի
խաղաղ կարգաւորման բանակցային գործընթացին շուրջ: Իսկ Թուրքիոյ նախագահ Ապտուլլահ
Կիւլ, Հայաստանի Անկախութեան Վերականգնման 20 ամեակին կապակցութեամբ, Հայաստանի նախագահ
Սերժ Սարգսեանին շնորհաւորական ուղերձ մը յղած է: