Бэнэдыкт XVI сустрэўся з прадстаўнікамі яўрэйскай супольнасці Берліна (поўны тэкст)
22 верасня Бэнэдыкт XVI сустрэўся з прадстаўнікамі яўрэйскай супольнасці Берліна.
У сваёй кароткай прамове Пантыфік звярнуў увагу на значэнне якое мела яўрэйская супольнасць
у аднаўленні пасляваеннай Германіі і на супрацоўніцтва якое вядзецца паміж яўрэямі
і Каталіцкім Касцёлам у гэтай краіне. Прапануем вашай увазе поўны тэкст прамовы Святога
Айца.
Шаноўнае спадарства!
Я вельмі рады гэтай сустрэчы з
вамі тут у Берліне. Дзякую старшыні яўрэйскай супольнасці, д-ру Дэтэру Граўману за
сардэчныя словы прывітання. Яны выразна паказалі мне, як павялічыўся давер паміж яўрэйскім
народам і Каталіцкім Касцёлам, якіх злучае істотная частка іх асноўных традыцый. Адначасова
для ўсіх нас стала зразумелым тое,што ўзаемнае разуменне і глыбокая
павага паміж Ізраэлем і Касцёлам, павінна ўсё больш узрастаць і быць уключана ў абвяшчэнне
веры.
Шэсць гадоў таму, падчас майго візіта ў сінагогу ў Кёльне, рабін
Тэйтэльбаўм гаварыў аб памяці як аб адным са слупоў, неабходных у пабудовы мірнай
будучыні. Сёння я знаходжуся ў цэнтральным месцы памяці, жахлівага ўспаміну: тут,
у гэтым месцы планаваўся і арганізоўваўся Галакост, знішчэнне яўрэяў у Еўропе.
Перад нацысцкім тэрорам ў Германіі жыло каля 500 тыс. яўрэяў, якія складалі інтэгральную
частку нямецкага грамадства. Пасля ІІ Сусветнай вайны Германія была прызнавана “краінай
Галакоста”, у якой немагчыма было жыць. Нават не было амаль ніякіх намаганняў для
аднаўлення яўрэйскіх гмін, хоць з Усходу безупынна прыбывалі асобныя асобы і яўрэйскія
сем’і. Многія з іх хацелі эміграваць і заснаваць новае жыццё, асабліва ў ЗША ці Ізраэлі.
Тут
таксама трэба нагадаць аб пагроме 9-10 лістапада 1938 г. Толькі нешматлікія бачылі
поўныя наступствыгэтага акту пагарды да чалавека, Адным з іх быў пробашч
берлінскай катэдры Бернгарда Діхтэнберга, які з амбона катэдры св. Ядзвігі заклікаў
вернікаў: “За межамі горада гарыць святыня, гэта таксама Божы дом”. Нацыянал-сацыялістычны
рэжым тэрору быў пабудаваны на расісцкім міфе, якога мэтаю было адмаўленне ад Бога
Абрагама, Ісаака і Якуба, Бога Езуса Хрыста і людзей, якія ў Яго верылі. “Усемагутны”
Адольф Гітлер быў язычніцкім бажком, які хацеў быць намеснікам Бога, Стварыцеля і
Айца ўсіх людзей. Пры адсутнасці павагі да адзінага Бога, таксама губляецца павага
да годнасці чалавека. Да чаго здольны чалавек, які адкідае Бога і якое аблічча можа
прымаць народ, які гаворыць такому Богу “не”, паказалі пад канец вайны
страшныя сцэны з канцэнтрацыйных лагераў.
Перад абліччам тых успамінаў
з удзячнасцю трэба сказаць, што на працягу некалькіх дзесяткаў гадоў пачалосяновае развіццё – мы можам гаварыць аб росквіце яўрэйскага жыцця ў Германіі.
Трэба падкрэсліць, што ў гэты перыяд яўрэйская супольнасць была асабліва актыўнай
ў інтэграцыі эмігрантаў з Усходняй Еўропы.
Я з задавальненнем хацеў
бы звярнуць увагу на паглыблены дыялог паміж Каталіцкім Касцёлам і іўдаізмам. Касцёл
адчувае вялікую блізкасць да яўрэйскага народу. Разам з дэкларацыяй “Nostra aetate”
ІІ Ватыканскага Сабора пачаўся “незваротны шлях дыялога, братэрства і сяброўства”.
Гэта тычыцца Каталіцкага Касцёла ў цэлым. Новым шляхам асабліва інтэнсіўна займаўся
папа Ян Павел ІІ. Вядома гэта тычыцца таксама і Каталіцкага Касцёла ў Германіі, які
цалкам усведамляў сваёй асаблівай адказнасці ў гэтай галіне. На грамадскім узроўні
трэба адзначыць, перш за ўсё, “Тыдзень братэрства”, які арганізуецца кожны год у першым
тыдні сакавіка мясцовымі асацыяцыямі хрысціянска-яўрэйскага супрацоўніцтва.
Каталіцкая
грамадскаць арганізуе кожны год сустрэчы біскупаў і рабінаў, а таксама дыскусіі з
Цэнтральнай яўрэйскай Радай. Ужо ў 1970-х г. Цэнтральны камітэт нямецкіх католікаў
стварыў дыскусійную групу “Яўрэяі і хрысціяне”, якая на працягу многіх гадоў апублікавала
шмат кампетэнтных дакументаў. Мы не павінны таксама забываць аб гістрычнай сустрэчы
яўрэйска-хрысціянскага дыялогу, якая адбылася ў Германіі ў сакавіку 2006 г. з удзелам
кардынала Вальтэра Каспэра. У апошні час яна прынесла шмат плёнаў.
Акрамя
гэтых годных пахвалы канкрэтных ініцыятыў, мне здаецца, што мы хрысціяне павінны ўсё
больш усведамляць нашы ўнутраныя адносіны з іўдаізмам. Для хрысціян не павінен існаваць
перарыў у збаўчым здарэнні. Збаўленне бярэ пачатак ад яўрэяў. Калі канфлікт паміж
Езусам і іўдаізмам часоў Хрыста будзем разумець павярхоўна, як адыход ад Старога Запавета,
тады можна яго параўнаць з ідэяй вызвалення, якая прызнае Тору, як рабскае
збераганне знешніх рытуалаў і абрадаў. На самой справе Нагорная пропаведзь не адмаўляе
права Майсея, але раскрывае яго скрытыя магчымасці і новыя патрабаванні; скіроўвае
нас да глыбокага фундамента чалавечага дзеяння, да сэрца, дзе чалавек выбірае паміж
чыстым і нячыстым, дзе развіваецца вера, надзея і любоў.
Пасланне надзеі,
якое перадаюць кнігі яўрэйскай Бібліі і Старога Запавету, было па-рознаму прынята
і развітахрысціянамі і яўрэямі. “Пасля стагоддзяў супрацьстаяння мы
павінны спрыяцьтам, каб гэтыя два спосабы новага чытання Бібліі- хрысціянскі і яўрэйскі- пачалі весці з сабой дыялог, які дапамог
бы правільна зразумець волю Бога і Яго Слова”. Гэты дыялог павінен усё больш ўмацаваць
супольную надзею ў Бога ў грамадстве, у якім часта не прызнаюць Бога. Без гэтай надзеі
грамадства губляе свой гуманізм.
У цэлым мы павінны казаць, што абмен
думкамі паміж Каталіцкім Касцёлам і іўдаізмам у Германіі прынёс ужо шматабяцаючыя
вынікі. Нарадзіліся трывалыя адносіны, якія і сталі магчымымі дзякуючы ўзаемнаму даверу.
Яўрэі і хрысціяне усведамляюць супольную адказнасць за развіццё грамадства, якое заўсёды
мае духоўнае вымярэнне. Трэба спадзявацца, што ўсе зацікаўленыя ў гэтым будуць надалей
ісці гэтым шляхам. Няхай ў гэтым благаславіць нас Адзіны і Усемагутны, Ха Кадош Барух
Гу.