1894: U ndërtua si seli e Parlamentit. 1918: Abdikoi Guljelmi II dhe
u shpall Republika nga një dritare e Raishtagut. 1933: Erdhi në fuqi Adolf
Hitleri. Nazistët e dogjën ndërtesën. 1945: Flamuri i kuq komunist valëvitej
mbi Raishtag, pas pushtimit të Berlinit nga trupat sovjetike. 1948: 350 mijë
berlinezë manifestuan para Raishtagut kundër bllokimit sovjetik të Berlinit. 1961:
U ngrit “Muri”, i cili kalonte pranë Raishtagut. 1973: Përfundoi rindërtimi
i ndërtesës, ku bëhen mbledhjet e organizmave parlamentare të Republikës Federative
Gjermane. 1991: Mbledhja e parë në Raishtag e Bundestagut të parë në Gjermaninë
e bashkuar; Bundestagu vendos që selia e vet të kalojë nga Boni në Berlin, në Raishtag.
1999: Bundestagu kalon në Berlin, pas përfundimit të ristrukturimit nga arkitekti
Sër Norman Foster.
Bundestagu është Parlamenti kombëtar i Republikës
Federale të Gjermanisë, formuar nga 622 deputetë. Legjislatura aktuale është e 17-a,
që nga krijimi i Republikës Federale më 1949. Presidenti, zakonisht i zgjedhur nga
grupi me numër më të madh deputetësh, është aktualisht z. Norbert Lammert (CDU).
Bundesrati
përbën një nga pesë organet institucionale të Gjermanisë. Është një asamble e
qeverive të 16 Landeve (shtete federale), që merr pjesë drejtpërdrejt në legjislacionin
dhe në politikën e Federatës (Shteti qendror). Presidentja aktuale është znj. Hannelore
Kraft.