Berlini do ta presë Papën me fotografinë më të madhe të botës
Ja një kuriozitet nga vizita e afërt e Papës në Gjermani, që do të fillojë më 22 e
do të përfundojë më 25 shtator. Të enjten, etapa e parë e udhëtimit të Benediktit
XVI, kryeqyteti gjerman, Berlini, do ta presë Atin e Shenjtë me pankartën më të madhe
të botës. Ajo është 45 me 64 metra e që sot, duke filluar nga ora 22, do të mbulojë
19 kate të selisë së grupit mediatik “Axel Springer”, pronar i gazetave “Bild” dhe
“Die Welt”, si edhe të shumë gazetave të tjera. Në këtë poster gjigant, pranë fotografisë
së Papës lexohet “wir sind Papst” (Ne jemi Papa). Kjo pankartë është faqja e parë
e gazetës “Bild”, e cila lajmëronte zgjedhjen e kardinalit Jozef Racinger në fronin
e Shën Pjetrit, më 20 prill 2005.