Бэнэдыкт XVI: дзякую жыхарам Вялікабрытаніі за цёплы прыём год таму
З нагоды першай гадавіны
свайго візіту ў Вялікабрытанію, а ён адбыўся 16-19 верасня 2010 г. папа Бэнэдыкт
ХVI, за подпісам кардынала Дзяржсакратара Тарчыціо Бэртонэ скіраваў спецыяльнае пасланне
католікам гэтае краіны. У пасланні Святы Айцец выказаў падзякую за “цёплы прыём”,
які год таму атрымаў у Англіі. Папа спадзяецца, што св. Імшы падзякі за яго візіт,
якія цэлебраваліся ў касцёлах краіны у нядзелю 18 верасня, “служаць новым заклікам
узяць на сябе выклікі, якія былі ўзнятыя год таму”, значыць “радасна сведчычь аб праўдзе
Евангелля, якая вызваляе розум і асвятляе імкненні жыць мудра і добра ў грамадстве”.
За
візіт Папы падзякавала таксама Канферэнцыя Біскупаў Англіі і Уэльса. Іерархі ў сваім
пасланні заклікаюць вернікаў прытрымлівацца шляху, які ўказаў Папа. “Святы Айцец
дапамог шмалікім асобам зразумець, што вера не з’яўляецца праблемай, якая патрабуе
вырашэння, але хутчэй дарам, які трэба адкрыць”,- адзначаюць біскупы. Яны звяртаюць
увагу на тое, што накірункі, якія даў ім Бэнэдыкт ХVI падахвочваюць іх імкнуцца да
абнаўлення Касцёла і грамадства за пасрэдніцтвам місіі, навучання і сведчання ўсіх
хрысціян.
Адсюль вынікае актуальнасць новай евангелізацыі і біскупы заклікаюць
усіх вернікаў “з мужнасцю прыняць удзел у пабудове лепшай будучыні краіны, асабліва
ў гэты час цяжкага эканамічнага крызіса і грамадскіх напружанняў”.
Прымас Англіканскае
Царквы Роўэн Уільямс з нагоды першай гадавіны візіту Папы у Вялікабрытанію напісаў,
што “візіт Святога Айца быў вялікім дарам для ўсіх хрысціянскіх супольнасцяў краіны”.
Арцыбіскуп Кентэрберыйскі нагадвае “памятную прамову Папы у Вестмінстэр Гол. “Верасень
мінулага года выразна нагадаў шырокай грамадскасці, што хрысціянскае навучанне не
тычыцца толькі малой супольнасці, але з’яўляецца рэальнасцю, якой захапляюцца мільёны
асоб рознага ўзрасту і расы”.- адзначыў Роўэн Уільямс.
Падзяку Папе выказаў
таксама прэм’ер-міністр Дэвід Камерон, які ў сваім пасланні пацьвердзіў актуальнасць
навучання Папы, якое засяродзіла тады ўвагу “на справядлівасць, памяркоўнасць і спагадлівасць”.
Палітык сказаў, што глыбока паважае вялікі ўклад, які веруючыя асобы даюць брытанскаму
грамадству. Ён сказаў, што будзе імкнуцца да “што-раз большага супрацоўніцтва паміж
Вялікабрытаніяй і Апостальскай Сталіцай, у карысць агульнага дабра”.