18 верасня 2011 г.
ў Берліне адбыўся “марш за жыццё”. Кампанія была падтрымана няўрадавымі арганізацыямі
нямецкіх лекараў і некаторымі палітыкамі з партыі Хрысціянскай дэмакратыі. Падчас
маніфестацыі яе ўдзельнікі запатрабавалі ад уладаў краіны зменаў у заканадаўстве ,
якое б прадугледжвала абарону жыцця чалавека ад зачацця да натуральнай смерці. Па
дадзеных Федэральнага статыстычнага ведамства ў Германіі здзяйсняецца каля 110-ці
тысяч абортаў у год.
Галоўны арганізатар маршу і старшыня Нямецкай федэрацыі
аховы жыцця Марцін Логман задаволены з сёлетняга маршу. На яго думку паслядоўна з
года ў год павялічваецца колькасць яго ўдзельнікаў і пытанне аборту пачынае нарэшце
існаваць ў публічных дэбатах.
У інтэрв’ю Ватыканскаму радыё Марцін Логман сказаў,
што не мае ніякіх прэтэнзій да нямецкіх каталіцкіх біскупаў, таму што не ўдзельнічалі
ў нядзельным мерапрыемстве. “Абарона зачатага жыцця гэта задача кожнага хрысціяніна.
Біскупы робяць гэта на свой спосаб, а мы на свой”,- адзначыў старшыня Нямецкай федэрацыі
аховы жыцця.