Кардынал Кох: Папа спрыяе экуменізму з пачатку свайго Пантыфіката
У выданні “L’Osservatore
Romano” старшыня Папскай рады спрыяння хрысціянскаму адзінству кардынал Курт Кох абмяркоўвае
экуменічныя аспекты апостальскага падарожжа Святога Айца ў Германію. Іерарх адзначае,
што для Бэнэдыкта ХVI асноваю для экуменізма не з’яўляецца філантропія, ці добрыя
ўзаемныя адносіны, але вызнанне веры, чаго доказам з’яўляецца кніга “Езус з Назарэта”.
“Папа
пераканы у тым, што экуменізм, каб мог узрастаць, павінен мець свае карані ў глыбокай
веры”,- адзнчае іерарх. У адваротным выпадку не зможа абараніцца ад двух сур’ёзных
перашкод на шляху да адзінства. “Гэта з аднаго боку падзелы сярод хрысціян з прычыны
веравызнання і з другога боку - абыякавасць да пытанняў веры, якая за перашкоду да
поўнага адзінства бачыць сам пошук праўды”,- звяртае ўвагу кардынал Курт Кох.
Старшыня
ватыканскай дэкастэрыі нагадаў, што Ёзэф Ратцынгер як прафесар тэалогіі клапаціўся
пра экуменізм і шмат напісаў на гэтую тэму. Як кардынал Ёзэф Ратцынгер быў прызначаны
сустаршынёй каталіцка-лютэранскай двухбаковай камісіі, якая была створана ў 1980 г.
Ён унёс таксама вялікі ўклад у падрыхтоўку дэкларацыі абодвух канфесій на тэму апраўдання
з 1999 г.
“Ужо як Папа, у сваім першым пасланні пасля абрання, прызнаў экуменізм
за асноўную задачу і паабяцаў, што не будзе шкадаваць намаганняў у прыверненне поўнага
і бачнага адзінства ўсіх паслядоўнікаў Хрыста”,- нагадаў кардынал Курт Кох перад візітам
Святога Айца ў Германію.