Бэнэдыкт ХVI перад малітвай “Анёл Панскі”: Евангелле змяніла свет і працягвае яго
змяняць
"Сёння мы жывем у
эпоху новай евангелізацыі. Перад намі адкрываюцца шырокія гарызонты для абвяшчання
Евангелля, калі ў той час рэгіёны старажытнай хрысціянскай традыцыі пакліканы зноў
адкрываць нанава прыгажосць веры”, - сказаў Папа перад малітвай “Анёл Панскі” ў сваёй
летняй рэзідэнцыі ў Кастэль Гандольфа 18 верасня.
"Дарагія браты і сёстры!-
сказаў Папа.
У сённяшняй літургіі мы чытаем на пачатку фрагмент з Паслання
Св. Паўла да Філіпянаў, значыць да членаў супольнасці, якую заснаваў сам Апостал у
горадзе Філіппі- важнай калоніі ў Македоніі, сённяшняй паўночнай Грэцыі. Павал прыбыў
у Філіппі падчас свайго другога місійнага падарожжа, калі выплыў на воды ад берагоў
Анатоліі праз Эгейскае мора. Гэта першы раз, калі Евангелле прыбыло ў Еўропу. Гэта
быў 50 год, значыць каля 20 гадоў пасля смерці і ўваскрасення Хрыста. Аднак Пасланне
да Філіпянаў змяшчае гімн да Хрыста, якое з’яўляецца поўным сінтэзісам Яго таямніцы:
ўцелаўлення, “chenosi”, значыць прыніжэнне аж да смерці на крыжы і Яго ўваскрасення.
Гэтая самая таямніца становіцца чымсці новым дзякуючы жыццю апостала Паўла, які піша
гэтае пасланне, калі знаходзіцца ў турме ў чаканні прысуду жыцця або смерці. Ён кажа:
“Бо для мяне жыццё — гэта Хрыстус, і смерць — гэта выгада.( Філ. 1,21). Гэта новы
сэнс жыцця, чалавечага быцця, якое з’яўяляецца адзінствам з жывым Езусам Хрыстом;
не толькі з гістарычнай постацю, настаўнікам мудрасці, рэлігійным лідэрам, але з чалавекам,
у якім жыве Бог. Яго смерць і ўваскрасенне гэта Добрая Навіна, якая пачынаючы з Іерусаліма,
павінна дайскі да ўсяго чалавецтва і народаў, перамяніць ад унутра ўсе культуры, адкрываючы
іх на фундаментальную праўду: што Бог з’яўляецца любо’ю, стаў чалавекам у Езусе і
праз Яго ахвяру адкупіў чалавецтва з рабства зла, даючы яму годную даверу надзею.
Св.
Павел быў чалавекам, які ўвасабляў у сабе тры светы: яўрэйскі, грэцкі і рымскі. Невыпадкова,
што Бог даручыў яму місію несці Евангелле з Азіі Мнгшай да Грэцыі і затым у Рым, які
з’яўляўся мастом для распаўсюджвання хрысціянства аж да канцоў зямлі. Сёння мы жывем
у эпоху новай евангелізацыі. Перад намі адкрываюцца шырокія гарызонты для абвяшчання
Евангелля, калі ў той час рэгіёны старажытнай хрысціянскай традыцыі пакліканы зноў
адкрываць нанава прыгажосць веры. Галоўнымі героямі гэтай місіі з’яўляюцца мужчыны
і жанчыны, якія як св. Павел, могуць сказаць: “Для мяне жыццё - гэта Хрыстус”. Асобы,
сем’і, супольнасці, якія працуюць у вінаградніку Пана, паводле Евангелля сённяшняй
нядзелі, гэта шчырыя і пакорныя работнікі, якія не просяць ніякай зарплаты, акрамя
той, што могуць удзельнічаць ў місіі Езуса і Касцёла. Апостал Павел кажа: “А калі
жыццё ў целе — гэта для мяне плён працы, то не ведаю, што выбраць”. (Філ. 1,22): ці
поўнае абьяднанне з Хрыстом пасля смерці, ці служэнне Яго містычнаму целу на гэтай
зямлі.
Дарагія сябры! Евангелле змяніла свет і надалей яго змяняе, як рака,
якая ўгнойвае палі. Звернемся ў малітве да Панны Марыі, каб у Касцёла даспявалі святарскія,
манашскія і свецкія пакліканні ў служэнні новай евангелізацыі".
Пасля малітвы
“Анёл Панскі” Папа прывітаў пілігрымаў на французскай, англійскай, нямецкай, іспанскай,
славацкай і польскай мовах. Святы Айцец узгадаў таксама ўчарашнюю беатыфікацыю у Турыне
кс. Франчэска Палеары, які жыў на мяжы ХІХ-ХХ стагодззяў, служыў хворым і ўбогім у
“Малым Доме Божага Провіду”, які заснаваў св. Джузэппэ Каталенго." Мы дзякуем Богу
за гэтага светлага сведка Яго любові",- сказаў Папа.