Іерусалімскі біскуп аб будучыні хрысціян ў Святой Зямлі
15 верасня у Луганскім
універсітэце ў Швейцарыі прайшла канферэцыя прысвечаная сітуацыі хрысціян у Святой
Зямлі. У форуме прыняў удзел дапаможны біскуп Іерусаліма Уіяльм Шомалі. У сваім выступленні
ён адзначыў, што зацягнутасць канфлікта ў Святой Зямлі не дазволіць вырашыць пытанне
аб прызнанні незалежнасці Палестыны, але ў той жа час сказаў, што магчыма яе прызанне
з боку ААН, як дзяржавы “не члена” арганізацыі . “Для гэтага трэба шмат маліцца і
спадзявацца насуперак сумневам”,- адзначыў біскуп Шомалі.
Іерарх падкрэсліў,
што “лёс хрысціянскай меншасці ў Святой Зямлі залежыць ад эвалюцыі мірнага працэса,
але таксама ад здольнасці хрысціян жыць, як свабодныя і раўнапраўныя грамадзяне, сярод
мусульманскай і яўрэйскай большасці. Яны павінны ў сваёй веры адшукаць сілы, каб застацца
хрысціянамі”, - адзначыў біскуп.
Іерарх расказаў, што каля Бэтлеема, каталіцкія
ўстановы, школы, бальніцы і ўніверсітэты даюць працу для трэцяй часткі насельніцтва
рэгіёна. “Каталіцкі Касцёл дапамагае бедным і тым людзям, якія не маюць медыцынскага
страхавання. Кожны дзень Лацінскі Патрыярхат ў Іерусаліме пасылае банкаўскія чэкі
у бальніцы, каб аплаціць медыцынскія паслугі патрабуючых”,- сказаў біскуп Уільям Шомалі.