Бэнэдыкт XVI павіншаваў бразільскага кардынала з 25-годдзем біскупскай сакры
16 верасня Бэнэдыкт
ХVI скіраваў віншавальную тэлеграму бразільскаму кардыналу Дамашэно Асісу з нагоды
25-годдзя яго біскупскага пасвячэння. Святы Айцец адзначыў адданую працу кардынала
Асіса сярод святароў, законнікаў і законніц, а таксама свецкіх вернікаў. Папа падкрэсліў
значэнне працы іерарха ў катэхізацыі, літургіі і дабрачыннасці.
У сваім пасланні
Пантыфік нагадаў, што юбіляр атрымаў святарскае пасвячэнне 19 сакавіка 1968 г. Благаслаўлёны
папа Ян Павел ІІ у 1986 г. ўдзяліў яму біскупскую сакру і прызначыў яго тытулярным
біскупам Новапетра і дапаможным біскупам Бразілійскім. У 2004 г. Ян Павел ІІ прызначыў
яго арцыбіскупам Апарэсіды.
Бэнэдыкт ХVI звярнуў ўвагу на дбайнасць кардынала
Дамашэно Асіса ў абвяшчэнні Евангелля, якое заўсёды адзначалася вялікай стараннасцю
і правільным тлумачэннем навучання Касцёла. Папа падзякаваў за працу кардынала у якасці
сакратара і старшыні Рады Канферэнцыі Біскупаў Лацінскай Амерыкі, сакратара Канферэнцыі
Біскупаў Бразіліі, а таксама у якасці члена Папскай рады па сродках масавай камунікацыі
і Камісіі па справах Лацінскай Амерыкі.