Арцыбіскуп Тамазі: рэлігійныя супольнасці могуць спыряць барацьбе з рабствам
15 верасня у сядзібе
ААН у Нью Ёрку прайшла сустрэча прысвечаная праблеме рабства ў свеце. У ёй прыняў
удзел арцыбіскуп Сільвано Тамазі, пастаянны назіральнік Апостальскай Сталіцы пры гэтай
арганізацыі. У сваёй прамове ватыканскі дыпламат сказаў, што міжнародная супольнасць
і асобныя краіны маюць адпаведныя прававыя інструменты, каб змагацца з рабствам, аднак,
іерарх звярнуў увагу на тое, што яны не выкарыстоўваюцца ў поўным аб’ёме.
“Рабства
з’яўляецца вельмі прыбытковым і таму яно распаўсюджанна ў многіх краінах свету. Даход
ад гандлю жанчынамі і дзяцьмі даходзць нават да 30 млд. долараў у год”, - адзначыў
ватыканскі дыпламат. Ён нагадаў, што “кожны год, колькасць рабоў у свеце павялічваецца
на тры мільёны”.
Арцыбіскуп Тамазі падкрэсліў, што рабства з’яўляецца настолькі
прыбытковым бізнэсам, што гандляры людзьмі маюць магчымасць уплываць на дзяржаўныя
ўстановы, мэтай якіх з’яўляецца барацьба з гэтым злачынствам. “Асноўным сродкам барацьбы
з рабствам павінна быць строгае выкарыстанне існуючых законаў, пакаранне гандляроў
і рабаўладальнікаў”,- адзначыў пастаянны назіральнік Апостальскай Сталіцы пры ААН.
Гаворачы
аб прадухіленні рабства ў свеце іерарх падкрэсліў, што неабходна больш актыўная праца
з патэнцыйнымі ахвярамі гандляроў рабамі. Яны часта, з’яўляюцца беднымі людзьмі, якіх
схіляюць да эміграцыі, каб пазней карыстацца іх наіўнасцю. “Неабходна праводзіць шырокія
інфармацыйныя кампаніі сярод бедных слаёў грамадства і важную ролю ў гэтым павінны
мець рэлігійныя супольнасці”,- адзначыў арцыбіскуп Тамазі.