16 верасня ў капліцы
Папскай Рады “Iustitiа et pax”, старшыня гэтай дэкастэрыі кардынал Пэтэр Тарксан,
цэлебраваў св. Імшу з нагоды дзевятай гадавіны смерці в’етнамскага кардынала Франсуа
Ксаверыя Нгуен Ван Туана, былога старшыні гэтай Папскай рады.
Кардынал Ван
Туан, нарадзіўся ў 1928 г. У 25-гадовым ўзросце прыняў святарскае пасвячэнне. Вясной
1975 г. быў прызначыны біскупам Сайгонскім, а праз некалькі месяцаў быў арыштаваны
паліцыяй. Іерарх прывёў 13 гадоў у в’етнамскай турме, з якіх 9 у абсалютнай ізаляцыі.
“Я не звар’яцеў толькі дзякуючы таму, што шмат маліўся да Найсвяцейшай Панны Марыі”,
- казаў потым іерарх. У 1988 г. ён быў вызвалены, а праз 10 год папа Ян Павел ІІ
прызначыў яго старшынёй Папскай рады “Iustitiа et pax”. У 2001 г. папа уручыў яму
кардынальскі берэт, а праз год іерарх памёр. Зараз працягваецца працэс яго беатыфікаці.
У інтэрв’ю нашаму радыё кс. прэлат Пол Хан Ван Ен, супрацоўнік Папскай рады
“Iustitiа et pax”, які 31 год таму тайна прыняў сакрамэнт святарства з рук кардынала
Туана, расказаў, што сёння яго постаць вельмі вядома і паважана ў В’етнаме. “Многія
католікі чытаюць яго творы і імкнуцца наследаваць яго жыццёвыя прынцыпы”, - расказаў
кс. Ен.
Кардынал Ван Туан, вельмі шмат працы прысвяціў стварэнню кампендыўма
Сацыяльнага навучання Касцёла. Сёння Папская рада “Iustitiа et pax” працягвае працу
па збору і апрацоўцы яго твораў і лістоў, якія могуць умацаваць вернікаў у дзейнасці
на карысць больш справядлівых і свабодных грамадстваў.