Наступны Сінод Украінскай грэка-каталіцкай Царквы будзе прысвечаны ролі свецкіх
Сінод Украінскай грэка-каталіцкай
Царквы на сваім апошнім пасяджэнніі ў бразыльскай Курытыбе вырашыў, што тэма наступнай
сустрэчы біскупаў будзе прысвечана ролі свецкіх у духоўным развіцці хрысціянскіх супольнасцяў.
Сінод пройдзе ў Канадзе ў 2012 г., які ў Каталіцкім Касцёле прысвечаны хрысціянскаму
пакліканнню, у тым ліку пакліканню свецкіх вернікаў.
Асноўная ўвага прац Сіноду
будзе звернута на пытанні звязаныя з дзейнасцю свецкіх у парафіях. Члены сустрэчы
украінскіх іерархаў на сваім апошнім пасяджэнні падкрэслілі асаблівую адказнасць
свецкіх асоб за развіццё касцёльнай супольнасці, яе місіі ў сучасным свеце, а таксама
неабходнасць больш шырокага ўдзелу свецкіх у евангелізацыі.
Падчас сустрэчы
у Курытыбе біскупы звярнуліся з просьбай да Вярхоўнага Арцыбіскупа Кіева-Галіцкага
Святаслава Шэўчука скіраваць спецыяльнае пасланне да ўкраінскай грэка-каталіцкай супольнасці
на тэму пакліканняў свецкіх у Касцёле.