Бэнэдыкт XVI скіраваў спачувальныя тэлеграмы ў сувязі з трагедыямі у Аргентыне і Танзаніі
15 верасня Бэнэдыкт
XVI скіраваў спачувальную тэлеграму ў сувязі з гібеллю людзей у выніку сутыкнення
аўтобуса і цягніка ў ваколіцах Буэнос-Айрэса, у аўторак 13 верасня. У выніку трагедыі
загінулі 11 чалавек і каля 200 атрымалі раненні.
У сваёй тэлеграме на імя арцыбіскупа
Буэнос-Айрэса кардынала Джорджа Бергольё, якую Папа скіраваў за подпісам кардынала
Дзяржсакратара Тарцызіо Бэртонэ, Святы Айцец выражае сваю блізасць і запэўнівае ў
малітве за ўсіх, хто пацярпеў у выніку трагедыі, асабліва за сем’і ахвяраў. Бэнэдыкт
XVI скіроўвае сваё апостальскае благаслаўленне, як знак надзеі Уваскрослага Хрыста.
Акрамя
таго, Пантыфік скіраваў спачувальную тэлеграму ахвярам трагедыі, якая здарылася на
возеры Занзібар ў Танзаніі, дзе ў выніку крушэння пасажырскага парома загінула каля
200 чалавек. Папа выказаў сваю духоўную блізасць родным і сябрам ахвяр, а таксама
запэўніў у сваёй малітве ўвесь народ гэтай афрыканскай краіны.